VaHebuli 11:37 - ULufingwi uLupwa

³⁷ Havhili vhamo vhahavhahomaga na mavhwe kufishila kufwa, vhamo vhahavhavholanyaaga na masumeeno na vhamwavho vhahavhagogaga na mapanga. Vhamo vháali vhapiina, vhahazwalaga amakwembe aga ngʼonzi na ga mbuzi, vhahavhayimvwaga nu kuvhavhombela imbiivhi inyinji.

Tesitamenti Umupwa 1965

³⁷ Vahatinzwaga namavwe, vahadumulwaga numusumeni, vahalingwaga, vahafwa kushipanga, vahayeluhaga lwe vazwaye inguvo zya ngʼonzi ninguvo zya mbuzi, vasovelilwe iṿintu, vahahamantanilwa, avantu vahavavombelagʼimbivi.

VaHebuli 11:37 ပူးပေါင်းရင်းမြစ်များ

Matayi 21:35

Ileelo avhalimi ivho vhahavhalema avhavhomvi vhaakwe, wumo vhahamuhoma, uwamwavho vhahamugoga nu wamwavho vhahamuhoma na mavhwe nu kufwa.

Matayi 3:4

UYoohani ahazwalaga amenda ge gásoniilwe na masepe aga ngamila, nu kuyipinya ni ilamba ilya ikwembe mu musana. Havhili ishaakulya shaakwe sháali vhe vhamakanta nu vhwushi.

Matayi 8:20

Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane!”

uLuuka 13:34

“Mwe vhantu vha mu Yelusaleemu imwe! Mukuvhagoga avhakuvhwi, nu kuvhahoma na mavhwe avhavhomvi vhe uMulungu avhasonteleziizye kuli imwe. Lulinga nanzaga kuvhavhungaaniha inza inkuku vwe yikwuvhatila utwana twakwe, ileelo mutanzaga?

iMbombo izya Vhatumwa 14:19

Pisinda, aVhayuuda vhamo vhahinza kufuma ku Antiyookiya na ku Ikooniya. Vhahasonzya ivhungaana ilya vhantu, vhahamuhoma uPaavhuli na mavhwe. Vhahamudendemula, vhahamutwala panzi pa nkaaya, mwe pe vhahasiivhaga kuuti aafwa.

iMbombo izya Vhatumwa 7:52

Kuli umukuvhwi we avhataata vhiinyu vhatámuyimvwizye? Yeenyi, vhahavhagoga avhakuvhwi, poosye vhe vhahakuvhwaga uvhukuvhwi kuzya kwinza ukwa Chilisiti, we mugolosu! Uyo, imwe muhamutwala ku vhalugu, muhamugoga!

2 VaKolinti 12:10

Ishi indi nu luseshelo kuzya vhuyeyevhazu nu kuligwa nu kuvha mu ntamwo nu kuvha mu mayimba nu kuyimvilwa kuzya Chilisiti, mwe pe lwe nkuvha ne muyeyevhazu, pe nkuvha na maha mwa Chilisiti.

VaHebuli 11:25

Uweene ásavhuuye kuyimba pooka na vhantu vha Mulungu kuluusya kuseshela mu vhutalamalandu ku havhaliilizyo hansi.

VaHebuli 13:3

Muvhakumbuhaje avhantu vhe vhakunziilwe mu jeela, muvhanje ngati mukunziilwe pooka navho. Havhili muvhakumbuhaje vhaala vhe vhakuyimvilwa, muvhanje ngati mukuyimvilwa pooka navho.

Ishitushizya 11:3

Niine, ndiivhapa amaha avhahoome vhaane vhavhili, vhoope vhaliifumwa uvhukuvhwi insiku 1,260, she vhazwaye amenda aga magunila kulolesya uvhuswimiilizu.”