VaHebuli 11:32 - ULufingwi uLupwa

³² Mwe vhamwitu, ishi injanje ishooni havhili? Yeenya, ntali na havhaliilizyo aha kukwilana kulondovhola izya lwitiho ulwa Gidiyooni nu Balaaka nu Samusooni nu Yeefuta nu Daavhudi nu Saamweli na vhakuvhwi avhanji.

Tesitamenti Umupwa 1965

³² Njangaje zyashi zinizi? She pe ngapotwa apa vuyanjilo inga nkuti njangaje nizya Gidiyoni nuBalaka nuSamusoni nuYefuta nuDavidi nuSamweli inga navakuvwi,

VaHebuli 11:32 ပူးပေါင်းရင်းမြစ်များ

Matayi 5:12

Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vwe vhahavhayimvwaga avhakuvhwi vhe vhávhalongoleeye imwe.”

uLuuka 13:28

“Mulimulola uAabulahamu nu Yisaaka nu Yaakobu na vhakuvhwi vhonti vhali mu vhumwene uvhwa Mulungu. Ileelo imwe muliivha mwasumbwa kunzi, ukwo mulikuutaga nu kuyimba nkaani!

uLuuka 16:31

UAabulahamu ahamwamula ahati, ‘Inga vhatakuzyitiha zye zisimviilwe nu Moose na vhakuvhwi, poosye umuntu azyushe kufuma ku vhafwe, vhatangamwitiha.’”

Yohani 21:25

Ziliipo izinji inyinji zye uYeesu ávhomvile, ileelo zitasimviilwe. Inga zyonti zisimbwaje, nkulola kuuti insi yonti, nkandi yitali nu vhuzilo uvhwa kukwilana kusengula amakalaata gonti igo.

iMbombo izya Vhatumwa 10:43

UYeesu uyo we avhakuvhwi vhonti vháyanzile kuuti, wonti we alimwitiha, aliswilwa uvhutalamalandu vhwakwe kwi izina lyakwe.”

iMbombo izya Vhatumwa 13:20

Zyonti izyo zyávhombesile ku havhaliilizyo aha maaha ge gáfishiiye 450 ishi. “Pisinda, uMulungu ahaavhapa avhataata vhiitu avhaamuzi avha kuvhalongozya, kufishila mu havhaliilizyo aha mukuvhwi uSaamweli.

iMbombo izya Vhatumwa 3:24

Poosye avhakuvhwi vhonti, kwandila umukuvhwi uSaamweli na vhanji vhe vhámulandasite, vhákuvile uvhukuvhwi ku zyonti zye zikuvhombeha insiku izi.

VaLoma 3:5

Ileelo inga imbiivhi zyitu zikuhomeshezya kuuti uMulungu akuvhomba ku vhugolosu, tuti vhuli? Vhuli, tuti te mugolosu lwe akuutupa isunde? (Nkuyanga fwe ne muntu.)

VaLoma 4:1

Pe ishi, kulandatana ni nongwa izya kuvhaazilwa uvhugolosu, iswe swe Vhayuuda tuyanje ishooni izya Aabulahamu, utaata wiitu kuzya muvhili?

VaLoma 6:1

Ishi pe tuti vhuli? Vhuli, tujendeelele kuvhomba uvhutalamalandu, inga uvhwila vhwa Mulungu vhwonjele kuvha na maha nkaani?

VaLoma 7:7

Ishi pe tuti vhuli? Tuti, indajizyo mbiivhi? Ndaali, te muumwo inga hansi! Nalyoli inga indajizyo zitáliipo, ine nkandi ntamanyile kuuti uvhutalamalandu shintu vhuli. Yeenya, inga ululajizyo lwe lukuti, “Utanyonywaje ishintu isha wamwinyu” lutáliipo, ine nkandi ntamanyile kuuti kunyonywa vhutalamalandu.

Yakobu 5:10

Mwe vhamwitu, yenyeelezyi avhakuvhwi vwe vhahajimbililaga mu mayimba, lwe vhakuyanga kwi izina ilya MWENE uMulungu. Ishi vhavhe shiholanyo kuli imwe.

2 Peteli 1:21

Nkuyanga vhwevhulo, mwe pe uvhukuvhwi vhutínzile kufumiilana nu lukasamo ulwa muntu. Lwe avhantu vhahakuvhwaga, vhahalongolwaga nu Mupepo uMufinjile.

2 Peteli 3:2

Nkwanza mukumbushe amazwi ge avhakuvhwi avhafinjile vháyanzile hali, ni ndajizyo izya Mwene uMuposhi zye avhatumwa vhaakwe vhávhaleteeye.