VaHebuli 11:3 - ULufingwi uLupwa

³ Kwi idala ilya kwitiha, iswe tumanyile kuuti uMulungu ápezile imwanya ni nsi kwi idala ilya izwi lyakwe. Havhili tumanyile kuuti ivintu vwonti vwe vikuloleha atávipezile kufuma ku vintu vwe vikuloleha.

Tesitamenti Umupwa 1965

³ Mulwitiho tumanyile ukuti insi yapezilwe kwizwi lya Mulungu, ukuti iṿintu ṿwe tukuṿilola ṿitapezilwe muṿintu ṿwe ṿikuvoneha.

VaHebuli 11:3 ပူးပေါင်းရင်းမြစ်များ

Yohani 1:3

UMulungu ávipezile ivintu vwonti kutuushila kwa Izwi. Shitaliipo ishintu she shápeliilwe ishisita kutuushila ku kwakwe.

iMbombo izya Vhatumwa 14:15

vhahati, “Mwe vhantu! Shooni she mukuvhomba izi? Niiswe swe vhantu inza imwe! Tukuvhalumbiilila Izwi iLyinza, inga mupindushe nu kuzileha izya shaaha izi, havhili mumulandate uMulungu uMulanzi. Uweene we ahapela imwanya ni nsi nu sumbi, na vwonti vwe vili muumwo.

iMbombo izya Vhatumwa 17:24

“UMulungu uyo, we ahapela insi na vwonti vwe vili muumwo, havhili wu Mwene uwa ku mwanya na pa nsi. Uweene atakutendama mu nyumba imfinjile zye zikuzengwa na vhantu.

VaLoma 4:17

Izi zili inza vwe yisimviilwe mu Vhusimbe uVhufinjile kuuti, “Nkuvhiisile kuvha we taata uwa vhantu avha mu nkolo inyinji.” UAabulahamu áyivuuye izi zye uMulungu áfinzile ku kwakwe, lwe ayimiliiye pilongolela lyakwe. Ahamwitiha uMulungu we akuvhazyusya avhafwe na we akuviyanga ivintu vwe vitaliipo fwe ngati viliipo.

1 VaKolinti 2:7

Nkandi uvhushindamu uvhwa njeele uvhu, vhukufuma kwa Mulungu, havhili vhwáli vhwa vhuzigizigi, kwe kuuti vhutávhisiilwe apazelu ku vhantu. UMulungu ávhuvhatisile uvhushindamu uvhwo lwe insi yishiili kupelwa, inga niiswe tuvhe nu vhuliilani nawo mu vhushindamu vhwakwe.

1 Timoti 4:5

Nkuti vwinza, mwe pe uMulungu avizelufwizye kwi izwi lyakwe na ku mpuuto zyitu.

VaHebuli 1:2

Ileelo insiku izi izya vhusililishilo, uMulungu ayanzile niiswe kutuushila kwa Mwana waakwe. Ámusavhuuye uMwana uyo kuuti we apwane ivintu vwonti, nu kutuushila ku kwakwe uMulungu ápezile imwanya ni nsi na vwonti vwe vili muumwo.

VaHebuli 6:5

Havhili vhálinzile uvhwinza uvhwa izwi ilya Mulungu, na maha aga vhulongozi vhwe vhukwinza uvhwa Mulungu ahavhaliilizyo he alikonzyaga insi impwa.

2 Peteli 3:5

Avhantu ivho, vhakuyivhiiha ngati vhaluviilwe kuuti, kufuma hali uMulungu ápezile imwanya ni nsi kwi idala ilya kuyanga izwi vhweleele. Havhili ápezile insi kufuma mu minzi kwi idala ilya minzi.

Ishitushizya 4:11

“Uhondeeye iwe, MWENE wiitu Mulungu, kuposheela uvhushindamu, nu mushinzi na maha. Mwe pe wápezile ivintu vwonti, na ku lukasamo lwaho vihapelwa, havhili viliipo.”