VaHebuli 11:17 - ULufingwi uLupwa

¹⁷ Mwe pe uAabulahamu ámwitisile uMulungu, ámufumwizye umwana waakwe uYisaaka kuvha mpuutile lwe uMulungu amulinga. UAabulahamu we áposheleeye ulufingwi kufuma kwa Mulungu, ileelo áyitisile kumufumwa umwana waakwe imozi

Tesitamenti Umupwa 1965

¹⁷ Mulwitiho uAbulahamu ahamutwala uYisikaka kushifinjilo pala pʼahalingwaga. Uwenʼuno wʼuMulungu afinzile kuli wuyo, ahamutwala umupapwa wakwe woka mwene imozi,

VaHebuli 11:17 ပူးပေါင်းရင်းမြစ်များ

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

VaHebuli 7:6

Pooka nu kuuti uMelikizeedeki atáfumile mu luho ulwa Laawi, uweene áposheleeye ishigavho shooka pa vigavho 10 kufuma kwa Aabulahamu. Havhili ámuloosite uAabulahamu, umuntu we uMulungu áfinzile kumuloota.

Yakobu 5:11

Inza vwe mumanyile, vhalosiitwe vhaala vhe vhajimbiliiye. Mwivuuye inongwa izya vhujimbiilizu uvhwa Yobo, havhili muvhwenyi vwe uMWENE uMulungu ámuvhombeeye pisinda. Uweene ali nu vhwila uvhupiti, havhili uvhwa mavhiila mu mavhiila.

1 Peteli 4:12

Vhankundwa, indingo impiti zye zikuvhaaga kwi idala ilya mayimba, mutazisukumilaje ngati shintu she shijeni kuli imwe.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.