VaHebuli 11:13 - ULufingwi uLupwa

¹³ Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

Tesitamenti Umupwa 1965

¹³ Vonti vanava vafwiliye mulwitiho, shisitakuhomana naṿwo ṿwʼuMulungu afinzile kuli vuvo, vahaṿwenya kwe kutali nukulamunkana naṿwo. Vahayitaha veka ukuva vajeni avashintizi munsʼumu.

VaHebuli 11:13 ပူးပေါင်းရင်းမြစ်များ

Matayi 13:17

Nalyoli nkuvhavhuuzya kuuti, vháliipo avhakuvhwi avhinji na vhantu avhinji avhagolosu vhe vhányonyiilwe kuzilola zye mukuzilola imwe, ileelo vhatázivhwenyi. Havhili vhahanzaga kuzyivwa zye mukuzyivwa imwe, ileelo vhatázyivuuye.”

Yohani 12:41

UYisaayi áyanzile izyo, mwe pe ávhuvhwenyi uvhushindamu uvhwa Yeesu, pe ahayanga inongwa zyakwe.

Yohani 8:56

Utaata wiitu uAabulahamu ásesheeye nkaani, lwe aamanya kuuti kwe ninze. Áamile fwe andola, ahaseshela nkaani.”

VaLoma 4:21

mwe pe nalyoli ámanyile kuuti uMulungu kwe avhombe ziila zye áfinzile ku kwakwe.

VaLoma 8:24

Ulusuuvhilo ulwo tuli nalwo kufuma pe uMulungu átuposile. Ileelo inga tukushilola she tukushisuuvhila, shitakuvha sha kushiguliilila. Vhuli, wu naanu we akugulililaga kupeelwa ishintu she ali nasho?

2 VaKolinti 4:18

Yeenya, ivintu vwe vikuloleha, vwa havhaliilizyo hansi vhweleele. Ileelo ivintu vwe vitakuloleha, vwa shiima, ye nongwa tukuvisaajila ivintu vwe vitakuloleha.

2 VaKolinti 5:6

Kuli izyo, insiku zyonti tuli nu lusuuvhilo, poosye she tumanyile kuuti lwe tuli mu muvhili uno, tuli ukutali nu Mwene.

VaEfeso 2:19

Pe ishi, imwe mwe vhantu mwe te mwe Vhayuuda, te mwe vhajeni havhili. Mwe vhaana vha Mulungu, havhili mwe vhahaaya pooka na vhafinjile vhaakwe.

VaHebuli 11:14

Avhantu vhe vhakwitiha izyo vhakulolesya apazelu kuuti vhakuyilondola insi yaavho vhuuvho.

VaHebuli 11:17

Mwe pe uAabulahamu ámwitisile uMulungu, ámufumwizye umwana waakwe uYisaaka kuvha mpuutile lwe uMulungu amulinga. UAabulahamu we áposheleeye ulufingwi kufuma kwa Mulungu, ileelo áyitisile kumufumwa umwana waakwe imozi

VaHebuli 11:27

Mwe pe uMoose ámwitisile uMulungu, áyeefile mu nsi iya Miisili ishisita kwogopa uvhuhalazu uvhwa mwene uwa mu nsi iyo. Uweene ájimbiliiye, mwe pe áamile ngati amuvhwenyi uMulungu we atakuloleha na minso.

VaHebuli 11:39

Pooka nu kuuti avhantu vhonti ivho vhe tukuvhayanga vhahamwitihaga uMulungu, atáliipo inga wooka we áposheleeye zye uMulungu áfinzile.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

1 Peteli 2:11

Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.

1 Yohani 3:19

Inga tukuvhakunda avhamwitu vhwevhulo, pe nalyoli tukumanya kuuti, tukuvhulandata uvhwanalyoli, havhili amooyo giitu gakutehama pilongolela ilya Mulungu.