VaHebuli 11:10 - ULufingwi uLupwa

¹⁰ UAabulahamu ávhomvile vhwevhulo, mwe pe ahasuvhilaga kulandila mu nkaaya ye yili nu lwalo ulugomu lwe lutakunanjiha naalumo. Inkaaya iyo wu Mulungu wuuyo áyisengiinye nu kuyizenga.

Tesitamenti Umupwa 1965

¹⁰ Shʼuwenʼaminso ahenyaga kunkayʼila iya lwalo, yʼumuzenzi wakwe numupezi wakwe wʼuMulungu.

VaHebuli 11:10 ပူးပေါင်းရင်းမြစ်များ

Yohani 14:2

Mu nyumba iya Taata waane muli uvhuzilo uvhupiti. Zitavhanje vhwevhulo, nkandi mbavhuziizye. Ishi nasogola kuvhasenganizyanya uvhuzilo. Zitavhanje vhwevhulo, nkandi mbavhuziizye. Ishi nasogola kuvhasenganizyanya uvhuzilo.

2 VaKolinti 5:1

Tumanyile kuuti lwe tuli pa nsi ipa amavhili giitu liheema ilya havhaliilizyo hansi vhweleele. Ileelo lwe lyananjiha, uMulungu aliitupa uvhuyo ku mwanya uvhwa shiima, vhwe vhutali inza inyumba ye yizengwilwe na vhantu.

Filipi 3:20

Ileelo iswe ku kwitu kwe ku mwanya. Pe kufuma ukwo tukumuguliilila ku mwoyo uMuposhi wiitu, uMwene uYeesu Chilisiti.

VaHebuli 11:16

Ileelo avhantu ivho vhahayinyonywaga insi inyinza nkaani iya ku mwanya. Ye nongwa uMulungu atakulola insoni inga avhantu ivho vhakumwita kuuti wu Mulungu waavho, mwe pe avhasenganiziinye inkaaya.

VaHebuli 12:22

Ileelo imwe mwafiha pi igamba uSayuuni, pa nkaaya iya Yelusaleemu iya ku mwanya. Inkaaya iyo nkaaya iya Mulungu uMulanzi. Apenepo, vhavhungiine ku luseshelo avhahavhizya amashumi na mashumi.

VaHebuli 12:28

Kuli izyo, tumusalifwaje uMulungu, mwe pe atwitisile kuuti tuvhanje mu vhumwene vhwakwe vhwe vhutakuyingaana. Ishi tumupuutaje uMulungu kwi idala lye likumuhondezya nu kuvha nu vhwahayiisye nu kumunyila.

VaHebuli 13:14

Tuvhombe vhwevhulo, mwe pe mu nsi umu tutali ni nkaaya iya shiima, nkandi tukuguliilila kusogola kwinjila mu nkaaya iya ku mwanya insiku zye zikwinza.

VaHebuli 3:4

Yeenya, inyumba yonti yikuzengwa nu muntu, ileelo uMulungu we akuvizenga ivintu vwonti.

Ishitushizya 21:2

Nkalola iNkaaya iMfinjile, iYelusaleemu impwa, yikwiha kufuma ku mwanya kwa Mulungu. Inkaaya iyo yáali ngati mwantanda we avhantu vhamuyemvwizye lwe akwimalwa.