VaHebuli 10:4 - ULufingwi uLupwa

⁴ mwe pe amavhanda aga nkambaku na ga saawe gatangeefwa uvhutalamalandu inga hansi.

Tesitamenti Umupwa 1965

⁴ shʼamavanda ga nkambaku naga vasavwe gatali namaha aga kwefwʼamalandu.

VaHebuli 10:4 ပူးပေါင်းရင်းမြစ်များ

Maliko 12:33

Havhili kumukunda ku mwoyo wonti na ku njeele zyonti na ku maha gonti, nu kumukunda umupalamani waaho inza vwe ukuyikunda weneewe, hinza kuvhomba zyonti izyo, kuluusya kufumwa impuutile izya kulungulizya ni zinji zyonti.”

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

VaLoma 11:27

Ulu lwe lufingwi lwane navho, ahavhaliilizyo he ndivhaswila uvhutalamalandu vhwavho.”

VaHebuli 10:1

Indajizyo izya Moose shiholanyo isha nyinza zye zikwinza. Ye nongwa zyope impuutile zye avhantu vhakufumwa amaaha gonti kulandatana ni ndajizyo izyo, zitangavhavhiiha kuvha vhalunjisu naalumo avhantu vhe vhakumupuuta uMulungu.

VaHebuli 10:11

Kulandatana nu lufingwi ulwa hali, insiku zyonti, avhapuuti vhonti avha Vhayuuda vhahamuvhombelaga uMulungu nu kufumwa impuutile zyeziila ulwinji zye zitangeefwa uvhutalamalandu inga hansi.

VaHebuli 10:8

Ilya kwanda ámuvhuziizye uMulungu átili, “Iwe utakwanza impuutile izya vihanu ni zya kulungulizya, ni zya vhutalamalandu, ni zyamwavho izinji,” pooka nu kuuti impuutile zyonti izyo vhahazifumwaga kulandatana ni ndajizyo izya Moose.

VaHebuli 9:9

Imbombo zyonti zye zihavhombehaga mwi Iheema liila, shiholanyo isha mbombo izya havhaliilizyo iha. Nkuyanga vhwevhulo, mwe pe ivipeelwa ni mpuutile zye vhakumufumwizya uMulungu vitangazelufwa amooyo aga vhantu vhe vhakumupuuta uMulungu.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.