VaHebuli 10:36 - ULufingwi uLupwa

³⁶ Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

Tesitamenti Umupwa 1965

³⁶ She suti pe pakuti muzyihajʼumulaha, ukuti lwe mwavombʼulukasamo lwa Mulungu muposhelaje ulumfingwi lwʼavafinjiye.

VaHebuli 10:36 ပူးပေါင်းရင်းမြစ်များ

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 12:50

Umuntu wonti we akuvhomba zye uTaata waane uwa ku mwanya akwanza, uyo we munine waane, havhili we wu maayi waane.”

Matayi 21:31

Vhuli, muli ivho vhavhili, wu naanu we ávhomvile inza vwe uyise ahanzaga?” Vhahamwamula vhahati, “We wula umutanzi.” Pe uYeesu ahavhavhuuzya ahati, “Nalyoli nkuvhavhuuzya kuuti, avhasonchezya musonko na vhamalaaya vhalivhalongolela kwinjila mu vhumwene uvhwa Mulungu.

Matayi 24:13

Ileelo we alijimbiilila kufishila ku vhusililishilo, we aliipokwa.

Matayi 7:21

“Te vhonti vhe vhakuyanga kuuti, ‘We Mwene,’ vhaliyinjila mu vhumwene uvhwa Mulungu, nkandi umuntu we akuvhomba zye uTaata waane uwa ku mwanya akwanza, we aliyinjila.

Maliko 3:35

Umuntu wonti we akuvhomba zye uMulungu akwanza, uyo we munine waane havhili we wu maayi waane.”

uLuuka 21:19

Niimwe inga mulijimbiilila, pe muliposheela uvhulanzi uvhwa shiima shiima.”

uLuuka 8:15

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

Yohani 7:17

Umuntu wonti we akwanza kuvhomba zye uMulungu akasiime, akumanya kuuti insambiilizyo izi zifumile kwa Mulungu, havhili akumanya kuuti ntakuyanga ku maha gaane.

iMbombo izya Vhatumwa 13:22

Pe uMulungu ahamwefwa uSaavhuli, ahamusaavhula uDaavhudi avhe wu mwene waavho. UDaavhudi uyo, uMulungu ahamuhomeshezya ahati, ‘Namulola uDaavhudi umwana wa Yeese, akuwuhondezya umwoyo waane, havhili we kwe avhombaje zyonti zye nkwanza zivhombeshe.’

iMbombo izya Vhatumwa 13:36

UPaavhuli ahajendeelela kuyanga kuuti, “UDaavhudi lwe avhomba zyonti zye uMulungu ahasiivhaga ku vhantu avha havhaliilizyo haakwe, ahafwa. Vhahamusyila mu mbiipa zya vhayise, ahavhola.

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 8:25

Ileelo inga tukusuuvhila she tutakushilola, pe tukuguliilila ku vhujimbiilizu.

1 VaKolinti 13:7

Ishikunzi shikumupela umuntu kuvha nu vhujimbiilizu mu zyonti, nu kuvha nu lwitiho ahavhaliilizyo honti, nu kuvha nu lusuuvhilo mu zyonti, nu kuuti asimpaje mu zyonti.

VaGalati 6:9

Ishi tutalitaje kuvhomba inyinza, mwe pe inga tukujimbiilila, tuliivuna inyinza, lwe ahavhaliilizyo haafiha.

VaEfeso 6:6

Mutavhavhombelaje ahinza lwe vhakuvhalola vhweleele, inga vhavhatiime, nkandi muvhavhombelaje fwe mwe vhavhomvi avha Chilisiti, muvhombaje ku mwoyo wonti inza vwe uMulungu akwanza.

Kolosi 1:11

Tukuvhalaavhila kuuti, uMulungu aavhape amaha kulandatana na maha gaakwe ge gali nu vhushindamu, inga muvhwezye kujimbiilila ku zyonti,

Kolosi 3:24

Mukumbushe kuuti uMwene aliivhapa ishipeelwa she vhupwano vhwinyu. UMwene we mukumuvhombela we wu Chilisiti.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

VaHebuli 11:39

Pooka nu kuuti avhantu vhonti ivho vhe tukuvhayanga vhahamwitihaga uMulungu, atáliipo inga wooka we áposheleeye zye uMulungu áfinzile.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

VaHebuli 6:12

Mutavhanje mwe vhahata, nkandi muvhalandataje vhaala vhe kwi idala ilya kwitiha nu kujimbiilila, vhaposheleeye ziila zye uMulungu áfinzile kuuvhapa.

VaHebuli 6:15

Pe uAabulahamu ahaguliilila nu kujimbiilila kufishila pe aposheela viila vwonti vwe uMulungu áfinzile.

VaHebuli 6:17

Woope uMulungu ahanzaga kulolesya apazelu ku vhantu vhe vhaliposheela ziila zye áfinzile kuuti te ahazyandule. Ili lye lyápeleeye kuuti ahomeshezye ulufingwi lwakwe kwi idala ilya kulapa.

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

1 Peteli 1:9

mwe pe mukuposheela uvhuposhi uvhwa mooyo giinyu. Uvhuposhi uvhwo, vhwe vhukufumiilana nu lwitiho lwinyu kwa Chilisiti.

1 Yohani 2:17

Insi pooka ni mpapilo zyakwe imbiivhi, vikutuuha. Ileelo umuntu we akuvhomba zye zikumuhondezya uMulungu, akuvha nu vhulanzi shiima shiima.

Ishitushizya 13:10

Umuntu we akwanzilwa kugomwa, woope aliigomwa. Umuntu we akwanzilwa kuuti avhantu vhamugoje kwi ipanga, woope vhalimugoga kwi ipanga. Pe ishi, avhafinjile vhakwanzilwa vhavhe nu vhujimbiilizu nu lwitiho.

Ishitushizya 14:12

Kuli izyo, pe yikwanzilwa avhafinjile, avhantu vhaala vhe vhakuzilandata indajizyo izya Mulungu nu kumwitiha uYeesu, vhavhe nu vhujimbiilizu.