VaHebuli 10:31 - ULufingwi uLupwa

³¹ Nalyoli yikwogofwa nkaani kupeelwa isunde nu Mulungu uMulanzi.

Tesitamenti Umupwa 1965

³¹ Mumwamu umupelanahavwila munyove zya Mulungu inga we muntu ugwiliye mumwo.

VaHebuli 10:31 ပူးပေါင်းရင်းမြစ်များ

Matayi 10:28

Mutavhogopaje vhe vhakugoga we muvhili vhweleele, nkandi mumwogopaje uMulungu we akulovwa nziila mwi ipalaazya ilya mwoto!

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

uLuuka 12:5

Ileelo imbavhuuzye we mukwanzilwa kumwogopa. Mumwogopaje uMulungu, mwe pe uweene inga amugoga umuntu, ali na maha havhili aga kumusumbila kwi ipalaazya ilya mwoto uwa shiima! Nalyoli nkuvhavhuuzya kuuti, uyo we mukwanzilwa mumwogopaje!

uLuuka 21:11

Havhili kuliivha ivisumbi ivipiti uku nuukwo, imbazu zimo kuliivha inzala impiti na mavhinu aga kwambushila galiivha ukwinji. Havhili, kuliivha ivintu ivwa kwogofwa ni shilolesyo ishipiti kufuma ku mwanya.

iMbombo izya Vhatumwa 13:11

Ishi, uMWENE kwe aakupe isunde, kuuti uvhe we ntonko, te uvhulole uvhuzelu uvhwa izuvha ku havhaliilizyo hamo.” Naluvhiilo, ishiisi shihamudinda uEelima ku minso, ahaleha kulola, ahanda kupulumba kulondola umuntu uwa kumulema inyoovhe, inga amulongole.

2 VaKolinti 5:11

Ishi, mwe pe tumanyile kuuti avhantu vhakwanzilwa kumunyila uMwene uYeesu, tukuvha nu mute uwa kuvhalambiilizya avhantu kuuti vhamwitihaje. UMulungu atumanyile ahinza vwe tuli, niine nkusuuvhila kuuti niimwe mutumanyile ahinza mu mooyo giinyu.

VaHebuli 10:27

Ileelo kukusyala kwe kuguliilila uvhulonzi uvhwa Mulungu vhwe vhukwogofwa nu mwoto we wulivhalovwa avhantu vhonti vhe vhakumuhaana uMulungu.

VaHebuli 12:29

Nkuyanga vhwevhulo, mwe pe uMulungu wiitu ali ngati mwoto umuhali, we wukupemba nu kulovwa nziila!

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.