VaHebuli 10:29 - ULufingwi uLupwa

²⁹ Ishi sivhiliili umuntu we akumusuufwa uMwana wa Mulungu. Isunde lyakwe liliivha vhuli? Havhili, yiliivha vhuli kwa ula we amavhanda aga lufingwi ulwa Mulungu gamuzelufwizye, ileelo uweene akugalola te shintu? Havhili, yiliivha vhuli kwa ula we akumusaamula uMupepo uwa Mulungu we akuvhafwila uvhwila avhantu vhaakwe? Nalyoli isunde lyavho ivho liliivha lipiti, havhili lihali nkaani.

Tesitamenti Umupwa 1965

²⁹ Imwe vuli lelo lwe mukusiva, valipela poshi ukusundwʼisunde ilusyi uvuvivi venga vamuhanyilʼuMwana wa Mulungu niṿinama, ve namavanda ga lwitinkano vagayanzilʼukuva ga vwelele, ge muli gugo vayipezilʼukuva vafinjile, nuMupepo wa vwila vamutonilʼamatona.

VaHebuli 10:29 ပူးပေါင်းရင်းမြစ်များ

Matayi 26:28

Iga mavhanda gaane aga lufingwi ge gakwitiha kuzya vhantu avhinji, inga uMulungu avhaswile uvhutalamalandu vhwavho.

Matayi 7:6

“Mutazipanje imbwa ivintu ivifinjile, poosye kuzisumbila inguluvhe ivintu ivwa nsavho, inga zitahinze zihanyanjile, nu kuvhagalushila kuvhaluma.”

Maliko 7:2

Vhahavhalola avhasundikwa vhaakwe vhamo vhakulya ni nyoovhe inkandamanu, mwe pe vhatágeezile inza avheene.

uLuuka 12:10

Umuntu wonti we akunjanjila amazwi amavhiivhi ine ne Mwana wa Aadamu, aliswilwa. Ileelo we akumusaamula uMupepo uMufinjile, te ahaswilwe.

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 17:19

Nkuyifumwa kukuvhombela iwe ku zyavho, inga vhoope vhayifumwe kuli iwe mu vhwanalyoli.”

iMbombo izya Vhatumwa 7:51

USiteefani ahajendeelela kuyanga kuuti, “Imwe mwe muli na mooyo amagomu! Amooyo giinyu na makutwi giinyu gali ngati ga vhantu vhe te Vhayuuda. Shiima imwe mukumudinda uMupepo uMufinjile inza vwe avhataata vhiinyu vhahavhombaga!

VaLoma 16:20

Ishi, uMulungu we akuutupa uvhutehamu alimutinzanya uSeetano nu kuuvhapa imwe amaha aga kumupoota. UMwene wiitu uYeesu Chilisiti avhafwilaje uvhwila.

1 VaKolinti 11:27

Umuntu wonti we akulya ikaati ili, nu kumwela idivaayi ino, kwi idala lye litakwanzilwa pilongolela ilya Mwene uYeesu, akupela avhomba uvhutalamalandu, mwe pe akupela awusuufwa umuvhili na mavhanda aga Mwene.

1 VaKolinti 11:29

Inga umuntu akulya ikaati nu kumwelela ulupindi ishisita kushindiha kuuti muvhili uwa Mwene, uyo akuyitupula wuuyo mu vhulonzi uvhwa Mulungu.

1 VaKolinti 15:25

UChilisiti akwanzilwa akonzye kufishila pe uMulungu alivhavhiiha avhalugu vhaakwe vhonti pansi pa vinama vwakwe.

1 VaKolinti 15:27

UVhusimbe uVhufinjile vhukuyanga vhukuti, “Alimuvhiiha kuuti avikonzyaje ivintu vwonti.” Lwe uVhusimbe uVhufinjile vhukuti, “ivintu vwonti,” te kuuti alimukonzyaga nu Mulungu woope, mwe pe uweene we amuvhiisile uChilisiti kuuti avikonzyaje ivintu vwonti ivwo.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

VaEfeso 5:26

Áyifumwizye kufwa, inga ashizelufwe ishivhanza, áshoziizye na minzi nu kushizelufwa kwi izwi lyakwe.

VaHebuli 10:10

Mwe pe uYeesu ahalulandataga ulukasamo ulwa Mulungu, uMulungu akutuzelufwa uvhutalamalandu vhwitu kwi idala ilya Yeesu Chilisiti kuyifumwa lwoka vhweleele kuvha mpuutile.

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 13:20

UMulungu uwa vhutehamu ámuzyusiizye uMwene wiitu uYeesu, uMudiimi uMupiti uwa ngʼonzi, uweene we áyiisite amavhanda gaakwe pa shihovhenkanyo ge gakuhomeshezya ulufingwi ulwa shiima.

VaHebuli 2:11

UYeesu pooka na vhaala vhe akuvhazelufwa uvhutalamalandu vhwavho, uTaata waavho ali wooka. Kuli izyo, uYeesu atakulola insoni kuvhiita kuuti vhajenzi vhaakwe.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

VaHebuli 6:4

Ishi avhantu vhe vhalesile kumwitiha uMulungu, tungavhagalusya inza vhuli? Avhantu ivho ku vhwandilo vhásambiliiye uvhwanalyoli uvhwa Mulungu, nu kupeelwa ivipeelwa kufuma ku mwanya, nu kuposheela uMupepo uMufinjile.

VaHebuli 6:6

Ileelo vhalulesile ulwitiho lwavho! Litaliipo idala lyonti ilya kuvhagalusya, inga vhatonte havhili, mwe pe vhakumuhomeela pa shihovhenkanyo ulwa vhuvhili uMwana wa Mulungu nu kumusuupizya apazelu.

VaHebuli 9:13

Kulandatana nu lufingwi ulwa hali, avhapuuti vhahavhasansilaga avhantu vhe vháali vhahandamanu amavhanda aga saawe na ga nkambaku ni ilota ilya ngwada ye vhayilunguliziizye, inga vhagazelufwe ge mavhili gaavho vhweleele.

VaHebuli 9:20

Pe uMoose ahayanga ahati, “Iga mavhanda ge gakuhomeshezya ulufingwi ulwa Mulungu lwe ávhalajiziizye kuuti mululandataje.”

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.