VaHebuli 10:27 - ULufingwi uLupwa

²⁷ Ileelo kukusyala kwe kuguliilila uvhulonzi uvhwa Mulungu vhwe vhukwogofwa nu mwoto we wulivhalovwa avhantu vhonti vhe vhakumuhaana uMulungu.

Tesitamenti Umupwa 1965

²⁷ nkandi she shitetemwi she shikwenyelezya kuvulanzi nuvuhalazu vwa mwoto wʼakwinzʼukuvalya vonti avasufanyi.

VaHebuli 10:27 ပူးပေါင်းရင်းမြစ်များ

Matayi 13:42

Avhahavhizya ivho vhalivhasumba avhantu ivho mwi ipalaazya ilya mwoto, umwo vhalikuutaga nu kuyimba nkaani.

Matayi 13:50

Avhahavhizya ivho vhalivhasumba avhatalamalandu mwi ipalaazya ilya mwoto, umwo vhalikuutaga nu kuyimba nkaani.”

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 3:10

Ishi, isunde ilya Mulungu lifisile inza umuntu we alemile intemo nu kuyisengaanya kudiba amakwi. Ikwi lyonti lye litakuhoma amantonongwa aminza, likudibwa nu kusumbwa mu mwoto.

Matayi 3:12

Uweene ayisengiinye kuvhasavhulanya avhagolosu na vhatalamalandu inza umuntu we alemile ulupe, inga apemente ingana pa luvhuga. Kuluzelufwa uluvhuga, aliyivhungaaniha ingana yaakwe nu kuyivhiiha mu shanga, ileelo ilyelelo na mahambili alivipemba mu mwoto we wutakuzima.”

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

uLuuka 16:24

Ahamwita ahati, ‘We taata Aabulahamu, umfwile uvhwila! Nkuyimba nkaani mu mwoto uno! Nkukulaavha umusonteelezye uLaazalo, atumpishe ahafingwi mu minzi, ayinze anzwilizye pa lumili lwane, inga luhatale.’

uLuuka 19:27

Pooka niizyo vhaleeti avhalugu vhaane vhaala vhe vhatanzaga kuuti mbakonzye, muvhagoje pilongolela lyane!’”

uLuuka 21:26

Izyo zyonti, lwe zikwinza mu nsi, avhantu vhaliziliha kuzya ilyoga ipiti. Vhalisiivhaga kuuti likwinza isunde ipiti, mwe pe ivintu ivwa kumwanya viliyingaana.

uLuuka 23:30

Pe, ‘Avhantu vhaligavhuuzya amagamba kuuti, “Tugwili!” Havhili vhalituvhuuzya utugamba utunsi kuuti, “Tugubishili!”’

Yohani 5:29

vhoope vhalizyuha nu kufuma mu mbiipa zyavho. Vhonti vhe vhahavhombaga inyinza, vhalipeelwa uvhulanzi uvhwa shiima. Ileelo vhonti vhe vhahavhombaga uvhutalamalandu, vhalipeelwa isunde.”

VaHebuli 12:25

Kuli izyo, mumutejelezyaje we akuvhasoha, mwe pe uMulungu ávhapiiye isunde ipiti avhataata vhiitu vhe vhahahaanaga kumutejeelezya uMoose lwe akuvhasoha. Nalyoli iswe tulisundwa nkaani kuluusya avheene, inga tukuhaana kumutejeelezya we akutusoha kufuma ku mwanya.

VaHebuli 12:29

Nkuyanga vhwevhulo, mwe pe uMulungu wiitu ali ngati mwoto umuhali, we wukupemba nu kulovwa nziila!

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

VaHebuli 9:27

Inza vwe avhantu vhonti vhakufwa lwoka vhweleele, havhili lwe vhaafwa, uMulungu akuvhalonga,

Yakobu 5:3

Isahaabu zyinyu ni mpiiya zyinyu ziliisile nu vhusimu. Uvhusimu uvhwo kwe vhuvhe shilolesyo ku vhantu kuuti uMulungu alivhalonga imwe. Havhili kwe vhunanganye amavhili giinyu inza umwoto, mwe pe mulundisile ivwuma kuzya manda aga kumpeleela.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.