VaHebuli 10:25 - ULufingwi uLupwa

²⁵ Tutahagaleshe amaata giitu aga kuhomaana inza vwe avhantu avhanji vhalesile kuhomaana. Ileelo tujendeelele kugomanya amooyo, mwe pe tumanyile kuuti isiku ilya kugaluha uMwene uYeesu lipalamiiye.

Tesitamenti Umupwa 1965

²⁵ Tutagalushilaje kuluhomano mwe tukuvungana, inza she vamo vavelezinye, nkandi tukumbusanyaje iswe, Zye tupitilizyajʼukuvomba inza ṿwe muliwenyi isiku ukuti likupalamila.

VaHebuli 10:25 ပူးပေါင်းရင်းမြစ်များ

Matayi 10:15

Nalyoli nkuvhavhuuzya kuuti, isiku ilya vhulonzi, avhantu avha mu nkaaya iyo vhaliposheela isunde ipiti kuluusya avhantu avha mu nkaaya iya Sodooma ni ya Gomoola!”

Matayi 18:20

Yeenya, inga vhaliipo avhantu vhavhili, poosye vhatatu vhe vhavhungiine kwi izina lyane, niine nkuvha pooka navho.”

Yohani 12:48

Umuntu wonti we akunkaana ine pooka na mazwi gaane, ali nawo uwa kumulonga. Amazwi igo ge nkugayanga, ge galimulonga pi isiku ilya kumpeleela.

iMbombo izya Vhatumwa 16:16

Isiku limo lwe tukusogola apa kumupuutila uMulungu, tuhahomaana nu mulindu wumo we áamile ni mpepo inkandamanu izya kulagulila. Umulindu uyo ahavhinjizizyaga avhapiti vhaakwe ilonka ipiti ku mbombo yaakwe iya kulagula.

iMbombo izya Vhatumwa 2:1

Lwe isiku ilya Pentekoositi lyafiha, avhantu vhonti vhe vhámwitisile uYeesu, vhávhungiine pooka.

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

iMbombo izya Vhatumwa 20:7

Isiku ilya Pamulungu lwe lyafiha, tuhavhungaana, inga tumensulane ikaati nu kulya pooka. UPaavhuli ahavhalumbiilila avhantu kufishila pa vhusiku pahati, mwe pe ásivhiliiye kushuula indaavhi yaakwe.

VaLoma 12:8

We ali ni shikunjilwa isha kuvhasuvhaalizya avhanji, avhombaje vhwevhulo, woope umutesi ku vhantu, afumwaje ivintu ku mwoyo wonti. We ali ni shikunjilwa isha kuvhalongozya avhanji, avhombaje ku mute, woope we ali ni shikunjilwa isha kuvhafwila avhanji uvhwila, avhombaje vhwevhulo ku luseshelo.

1 VaKolinti 11:20

Yeenya, lwe mukuhomaana pooka, mukulya ishaakulya isha Mwene inza vwe yitakwanzilwa,

1 VaKolinti 14:23

Ishi inga ishivhanza shonti shivhungiine kupuuta, vhonti vhanda kuyanga injango injeni, ahavhaliilizyo hanaaho vhinjila avhantu vhe vhatamanyile, poosye vhe te vhiitisi, vhuli vhatangati muli ni shipena?

1 VaKolinti 14:3

Ileelo umuntu we akukuvhwa, akuyanga na vhantu amazwi aga kuvhazenga mu lwitiho nu kuvhasuvhaalizya nu kuvhagomwa amooyo.

1 VaKolinti 3:13

Imbombo izya vhantu vhonti zililoleha vwe zili. Isiku liila ilya vhulonzi imbombo zyonti ziliivha apazelu, mwe pe imbombo izya vhantu vhonti zililingwa pa mwoto uwa vhulonzi.

1 VaKolinti 5:4

Lwe mukuhomaana kwi izina ilya Mwene wiitu uYeesu, niine umwoyo waane kwe wuvhe pooka niimwe, na maha aga Mwene wiitu uYeesu kwe gavhe pooka niimwe.

Filipi 4:5

Uvhutonsu vhwinyu vhumanyishe ku vhantu vhonti. UMwene uYeesu apalamiiye.

1 VaTesaloniki 4:18

Ishi suvhalizanyaaji ku mazwi ganaago.

1 VaTesaloniki 5:11

Ishi, suvhalizanyaaji nu kugomanya amooyo inza vwe mukuvhomba.

VaHebuli 10:24

Havhili tukwanzilwa tusajilanaje nu kugomanya amooyo nu kukundana nu kuvhombelana inyinza.

VaHebuli 10:37

Yeenya, yisimviilwe mu Vhusimbe uVhufinjile kuuti, “Hasyaye ahavhaliilizyo hansi nkaani, uyo we akwinza, kwe ayinze, havhili te ahaavhe.

VaHebuli 13:22

Mwe vhamwitu, nkuvhalambiilizya nkaani kuuti mugalandataje amazwi amansi iga aga kuvhasuvhaalizya ge mbasimbiiye mwa kalaata uno.

VaHebuli 3:13

Ileelo mugomanyaaje mwenti insiku zyonti, kwe kuuti insiku zyonti zye tukuzyita tukuti, “Ileelo,” inga umuntu wonti atahinze ahopenkanywe nu vhutalamalandu, nu kuvha nu mwoyo umugomu kwa Mulungu.

Yakobu 5:8

Niimwe vhwevhulo, mujimbililaje, havhili mugomaje amooyo giinyu, mwe pe kwinza ukwa Mwene kupalamiiye.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

2 Peteli 3:11

Mwe pe uMulungu alivinanganya ivintu vwonti kwi idala ilyo, vhuli, imwe mukwanzilwa kuvha mwe vhantu vhe vhali inza vhuli? Mukwanzilwa kulandila mu vhufinjile nu kuvha nu lujendo ulwinza pilongolela ilya Mulungu,

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.

uYuuda 1:19

Avhantu ivho vhe vhakuvhalumanya imwe, havhili vhantu vha mu nsi ino vhweleele, vhe vhatali nu Mupepo uwa Mulungu.