VaHebuli 10:24 - ULufingwi uLupwa

²⁴ Havhili tukwanzilwa tusajilanaje nu kugomanya amooyo nu kukundana nu kuvhombelana inyinza.

Tesitamenti Umupwa 1965

²⁴ Tusungane, tusunchilizanye kushikunzi nakumbombo zyonti inyinza.

VaHebuli 10:24 ပူးပေါင်းရင်းမြစ်များ

iMbombo izya Vhatumwa 11:29

Kufumiilana niizyo, avhalandati avha Yeesu vhahitinkana kuuti, vhonti vhafumwe ivintu, kufumiilana na viila vwe vhali navwo, inga vhavhaavwe avhamwavho avha ku Yudeeya.

VaLoma 11:4

Vhuli, uMulungu ámwamuuye uEeliya átili vhuli? Átili, “Njilesheeye avhantu 7,000 ku Isilayeeli ukwo vhe vhatakumupuuta uBaali.”

VaLoma 12:15

Museshelaje pooka na vhe vhakuseshela, mukuutaje pooka na vhe vhakukuuta.

1 VaKolinti 10:33

Muvhanje inza ine. Nkuyikungula kuuti ku zyonti zye nkuvhomba, avhantu vhonti vhaseshelaje. Ntakuvhomba vhwevhulo, inga ine indyaje ilonka, nkandi inga avhantu avhinji vhalyaje ilonka, inga vhapokwe.

1 VaKolinti 9:22

Havhili lwe náali ku vhayeyevhazu mu lwitiho, náali inza umuyeyevhazu mu lwitiho, inga mbaaje vhamwitishe uChilisiti. Ku vhantu vhonti náyivhiisile kuvha ne wamwavho, inga ku madala gonti imbaposhe vhamo.

2 VaKolinti 8:8

Lwe nkuyanga izi te kuuti nkuvhavijiilizya, ileelo nkwanza kulola ishikunzi shiinyu inga sha nalyoli kwi idala ilya kulingaanisya nu mute uwa vhanji.

2 VaKolinti 9:2

mwe pe imanyile umwoyo wiinyu uwa kuvhaavwa avhanji. Niine nkuyitumvwa ku zyinyu ku vhantu avha ku Makedooniya kuuti, “Ishivhanza isha mu shigavho isha nsi isha Akaaya, shaamile nu mwoyo uwa kufumwa kufuma umwaha we waatuusile.” Umwoyo wiinyu uwa vhutesi uwo, wuvhavhiisile avhantu avhinji pahati yaavho kuvha nu mute kufumwa.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaGalati 6:1

Vhamwitu, inga umuntu aagwa mu vhutalamalandu, imwe mwe mukulongolwa nu Mupepo mumusohaje ku vhutonsu vhwe vhukufuma kwa Mupepo, inga aleshe uvhutalamalandu vhwakwe. Havhili muvhanje minso, inga niimwe mutahinze mulingwe kululandata ulujendo lwakwe.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 VaTesaloniki 5:11

Ishi, suvhalizanyaaji nu kugomanya amooyo inza vwe mukuvhomba.

2 VaTesaloniki 3:9

Lwe tukuvhomba isho, te kuuti tutáhondeeye kwanza shimo kuli imwe, ileelo tuhanzaga tuvhe twe shiholanyo kuli imwe inga mutulandate.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

uTiiti 2:4

inga vhavhasambilizyaje avhantanda avhalindu, kuuti vhavhakundaje avhalume vhaavho na vhaana vhaavho.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 13:1

Ishi mujendeelele kukundana inza avhanine vwe vhakukundana.

VaHebuli 13:3

Muvhakumbuhaje avhantu vhe vhakunziilwe mu jeela, muvhanje ngati mukunziilwe pooka navho. Havhili muvhakumbuhaje vhaala vhe vhakuyimvilwa, muvhanje ngati mukuyimvilwa pooka navho.

VaHebuli 3:13

Ileelo mugomanyaaje mwenti insiku zyonti, kwe kuuti insiku zyonti zye tukuzyita tukuti, “Ileelo,” inga umuntu wonti atahinze ahopenkanywe nu vhutalamalandu, nu kuvha nu mwoyo umugomu kwa Mulungu.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.