VaHebuli 10:22 - ULufingwi uLupwa

²² Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

Tesitamenti Umupwa 1965

²² mwe mumwo tupalamile lelo swe va moyo ga vwanalyoli, swe lutuhozilʼulwitiho, swe vamoyo ge gasansilwe uvusansilwa vula vwe vukuzimanjizya inyenyezyʼimbivi, swe tugezile mumuvili naminzʼamazelu.

VaHebuli 10:22 ပူးပေါင်းရင်းမြစ်များ

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

uLuuka 1:1

Kuli iwe uwa mushinzi nkaani Teyofiilo: Avhantu avhinji vhasimvile inongwa izya Yeesu Chilisiti inza vwe zyávhombesile muli iswe.

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

Yohani 8:9

Lwe vhiivwa izyo, vhahanda kwepa wooka wooka, kufuma avhasongo kufishila avhajaaha. Pisinda, uYeesu ahasyala weeka nu mwantanda ula we áyimiliiye pilongolela lyakwe.

iMbombo izya Vhatumwa 22:16

Ishi, ukuhavhiilila ishooni? Lyitishe izina lyakwe! Yimiliila! Uyoozelwe, uvhutalamalandu vhwaho vhwepe.’”

iMbombo izya Vhatumwa 8:21

Iwe utali pooka niiswe mu mbombo ino, mwe pe umwoyo waaho muvhiivhi pilongolela ilya Mulungu.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaEfeso 3:12

Kwi idala ilya kusopenkana nu Chilisiti uYeesu nu kumwitiha uweene, tuli nu vhudandamazu uvhwa kupalamila pilongolela ilya Mulungu ishisita ilyoga.

VaEfeso 5:26

Áyifumwizye kufwa, inga ashizelufwe ishivhanza, áshoziizye na minzi nu kushizelufwa kwi izwi lyakwe.

VaEfeso 6:5

Niimwe mwe vhazya, mukwanzilwa muvhashindihaje nu kuvhanyila avhamwene vhiinyu. Muvhombaje vhwevhulo ku mwoyo wonti, inza vwe mukumuvhombela uChilisiti.

1 Timoti 4:2

Insambiilizyo izyo zikwinza na vhe vhakuyanga izya ilenga ku shifumbo. Amooyo gaavho amavhiivhi gatangalonga imbiivhi zyavho.

uTiiti 3:5

ahatupoha. Te kuuti iswe twámile nu lujendo ulwinza, nkandi átuposile ku vhwila vhwakwe vhweleele. Átuposile kwi idala ilya kutuzelufwa uvhutalamalandu vhwitu nu kutupaapa shipwa nu kutuvhiiha shipwa kwi idala ilya Mupepo uMufinjile.

VaHebuli 10:1

Indajizyo izya Moose shiholanyo isha nyinza zye zikwinza. Ye nongwa zyope impuutile zye avhantu vhakufumwa amaaha gonti kulandatana ni ndajizyo izyo, zitangavhavhiiha kuvha vhalunjisu naalumo avhantu vhe vhakumupuuta uMulungu.

VaHebuli 10:19

Mwe vhamwitu, kwi idala ilya mavhanda aga Yeesu, iswe tuli nu vhusatushe kwinjila aPafinjile pa Pafinjile ku vhudandamazu.

VaHebuli 11:28

Mwe pe uMoose ámwitisile uMulungu, ávhiisile ishikulukuulu isha Pasaaka nu kuvhalajizya aVhaisilayeeli kuuti vhapashe amavhanda aga hagonzi mu mapampa aga malyango aga nyumba zyavho, inga lwe uhavhizya uwa kulovwa akutuuha, atahinze avhalovwe na vhaana vhaavho avhahatoote.

VaHebuli 12:24

Mufisile kwa Yeesu we akuvhakundanya avhantu nu Mulungu mu lufingwi ulupwa. Amavhanda gaakwe ge gítisile pa shihovhenkanyo kuzya vhutalamalandu vhwitu te gakulanduzya inza aga Aabeli.

VaHebuli 4:16

Kuli izyo, tupalamile ku vhudandamazu pilongolela ilya Mulungu we ali nu vhwila, inga atuswile nu kutufwila uvhwila ahavhaliilizyo he tuli mu ntamwo.

VaHebuli 6:11

Tukwanza nkaani kuuti mwenti mujendeelele kuvha nu mute kufishila kumpeleela, inga muposheele zyonti zye mukuzisuuvhila.

VaHebuli 7:19

Mwe pe ululajizyo ulwo lutáshivhiisile ishintu naashimo kuvha shilunjisu, tupeliilwe ulusuuvhilo ulwamwavho lwe lwinza nkaani, lwe lukutuvhiiha kuvha papiipi nu Mulungu.

VaHebuli 9:10

Yeenya, imbaatiho izya vwakulya ni vwakumwela, ni zya kuyizelufwa ukwa mavhiila mu mavhiila, zitangaavwa naashimo umwoyo uwa muntu. Imbombo iya mbaatiho izyo yásizile lwe uMulungu aleeta imbaatiho impwa.

VaHebuli 9:19

Lwe uMoose aamala kuvhaazya indajizyo zyonti izya Mulungu pilongolela ilya vhantu vhonti inza vwe yihanzilwaga, ahanyatula amavhanda aga ngwada na ga saawe, ahasangaanya na minzi. Lwe avhomba vhwevhulo, ahasansila amavhanda igo pi ikalaata ilya ndajizyo na ku vhantu vhonti kwi idala ilya pamba ye yáali nu muhoola uwa mafwomfwo. Ipamba iyo yápinyiilwe ku lusamba ulwa ikwi lye vhahatinji ihiisopo.

Yakobu 1:6

Ileelo akwanzilwa alaavhe ku lwitiho ishisita amaganigani kuuti kwe aposheele. Nkuyanga vhwevhulo, mwe pe umuntu we ali na maganigani, akuvha fwe livhilingwa ilya sumbi, lye likunyatulwa ni nkungu nu kusumbilwa uku nuukwo.

Yakobu 4:8

Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.