VaHebuli 1:6 - ULufingwi uLupwa

⁶ Havhili uMulungu lwe akumuleeta uMwana waakwe imozi mu nsi, áyanzile átili, “Avhahavhizya vhonti avha Mulungu vhamupuute uMwana uyo.”

Tesitamenti Umupwa 1965

⁶ Nohavili lwengʼayinzilʼukumwinjizya uhatote munsʼino mwe vasamiyʼavantu, pʼakuti: Vontʼavahavizya va Mulungu vaputaje kukwakwe.

VaHebuli 1:6 ပူးပေါင်းရင်းမြစ်များ

Matayi 24:14

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

Kolosi 1:15

Mwa Mwana, uMulungu akuloleha apazelu vwe ali, pooka nu kuuti tutangamulola uMulungu wuuyo. UMwana ali na maha ku vipelwa vwonti.

Kolosi 1:18

Havhili uweene ali inza itwe mu muvhili, kwe kuuti mupiti uwa shivhanza, uweene we vhwandilo uvhwa shivhanza, havhili mutanzi kuzyuha, inga avhe mupiti mu zyonti.

VaHebuli 1:5

Yeenya, ataliipo uhavhizya nuumo we uMulungu ámuvhuziizye inza vwe ámuvhuziizye uMwana átili, “Iwe we Mwana waane, ileelo ili navha ne Taata waaho.” Havhili ataliipo uhavhizya nuumo we uMulungu ámuvhuziizye inza vwe áyanzile átili, “Kwe mbe ne Taata waakwe, woope kwe avhe Mwana waane.”

VaHebuli 10:5

Ye nongwa lwe uChilisiti ayinza mu nsi umu, ámuvhuziizye uMulungu átili, “Iwe utakwanza impuutile izya vihanu, poosye impuutile izyamwavho izinji, ileelo umuvhili waane uvhusengiinye.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.

1 Yohani 4:9

UMulungu wuuyo átulolesiizye ishikunzi shaakwe kwi idala ilya kumusonteelezya uMwana waakwe imozi, mu nsi umu, inga tuvhwaje uvhulanzi kutuushila ku kwakwe.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.