VaHebuli 1:3 - ULufingwi uLupwa

³ UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

Tesitamenti Umupwa 1965

³ Uwene we vulangalizu vwa vumwamu vwa Mulungu, shati sha wuyo mwʼavaliye ula, mwizwi lya maha gakwe aṿipezile ṿwonti ukuva, lwʼayipezilʼukuva luzelufwo lwa vutalamalandu vwitu, pʼahavala ukutendama kumuhonʼumulilo wa Vuhatavupiti muvutunyusu.

VaHebuli 1:3 ပူးပေါင်းရင်းမြစ်များ

Matayi 22:24

“We Musambiilizi, uMoose átusimbiiye indajizyo kuuti inga umwanaavuli aafwa, amuleha umushi waakwe ishisita umwana, yikwanzilwa kuuti umunine waakwe amupwane umuziishe uyo, inga amupaapile avhaana umuyazi.

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 1:4

UIzwi uyo áali vhwandilo uvhwa vhulanzi. Vhwope uvhulanzi uvhwo vhwáli vhuzelu vhwa vhantu.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 7:56

Pe ahayanga ahati, “Yeenyi, naalola ku mwanya kwigusile, uMwana wa Aadamu ayimiliiye ku luvhazu ulwa kundiilo ulwa Mulungu pa vhushindamu uvhupiti nkaani!”

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

VaLoma 8:34

Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

Kolosi 3:1

Ishi, mwe pe uMulungu avhazyusiizye pooka nu Chilisiti, mulondolaje izya ku mwanya, kwe uChilisiti atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 1:13

Yeenya, ataliipo uhavhizya nuumo we uMulungu ámuvhuziizye inza vwe ámuvhuziizye uMwana átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”

VaHebuli 10:12

Ileelo uChilisiti áyifumwizye lwoka vhweleele kuvha mpuutile, inga atuzelufwe uvhutalamalandu vhwitu. Uweene we mpuutile iya shiima. Kuli izyo, atendiime uluvhazu ulwa nyoovhe iya kundiilo iya Mulungu pa vhushindamu uvhupiti nkaani.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

VaHebuli 7:27

Avhapuuti avhapiti vhahanzilwaga kufumwa impuutile izya vhutalamalandu vhwavho. Lwe vhavhomba vhwevhulo, pe vhahafumwaga impuutile izyamwavho ku vhutalamalandu uvhwa vhantu avhanji. Havhili vhahavhombaga vhwevhulo ulwinji. Ileelo uYeesu atávhomvile inza avhapuuti avhapiti ivho. Uweene áyifumwizye pa shihovhenkanyo lwoka vhweleele ku vhutalamalandu uvhwa vhantu vhonti.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.

VaHebuli 9:16

Inga umuntu aaleha indajizyo izya kupwana ivintu vwakwe, indajizyo izyo zikuvhomba imbombo inga kwavha uvhwahoome kuuti umuntu uyo afuuye.

VaHebuli 9:26

Inga uChilisiti ahanzilwaga kuyifumwa kuvha mpuutile ulwinji, inza vwe umupuuti umupiti ahafumwaga impuutile ulwinji, pe nkandi ahanzilwaga kuyimvilwa ulwinji kufuma pe uMulungu ápezile insi. Ileelo uweene amanda iga aga vhusililishilo, ayinzile nu kuyifumwa kuvha mpuutile lwoka vhweleele, inga atuzelufwe uvhutalamalandu vhwitu.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.

2 Peteli 1:16

Ahavhaliilizyo he tuhavhasambilizyaga izya maha aga Mwene wiitu uYeesu Chilisiti ni zya kwinza kwakwe, tutahasuvhilaga ivwili ivwa ilenga vwe avhantu vhásimvile ku njeele zyavho, nkandi iswe sweneeswe twávhwenyi uvhushindamu vhwakwe.

2 Peteli 1:17

Nkuyanga vhwevhulo, mwe pe iswe twáli pooka nu Chilisiti pi igamba ilya Mulungu lwe uMulungu uTaata wiitu akuumupa umushinzi nu vhushindamu. Pe tuhiivwa izwi likuti, “Uno Mwana waane unkundwa, we nkuhondezelwa nawo.”

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.

uYuuda 1:25

Uweene wu Mulungu weeka, havhili Muposhi wiitu, kwi idala ilya Mwene wiitu uYeesu Chilisiti. Uvhushindamu nu vhupiti na maha amasisya na maha, vili nu weene kufuma hali, ishi, havhili poosye shiima. Amina.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.

Ishitushizya 4:11

“Uhondeeye iwe, MWENE wiitu Mulungu, kuposheela uvhushindamu, nu mushinzi na maha. Mwe pe wápezile ivintu vwonti, na ku lukasamo lwaho vihapelwa, havhili viliipo.”