VaHebuli 1:14 - ULufingwi uLupwa

¹⁴ Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

Tesitamenti Umupwa 1965

¹⁴ Amwe vonti te mpepo imbombezi Zye zitumilwe ukuvavombela vuvo ve vakupwanʼuvupokwa fwe ngati vupwano?

VaHebuli 1:14 ပူးပေါင်းရင်းမြစ်များ

Matayi 1:20

Lwe asiivha izyo, uhavhizya uwa MWENE uMulungu ahamuloleshela mu njozi. Uhavhizya uyo ahamuvhuuzya ahati, “We Yoosefu, mwana wa Daavhudi, utahoogope kumwimala uMaliiya, mwe pe uvhumwamu vhwe ali navhwo avhwazile kwi idala ilya Mupepo uMufinjile.

Matayi 13:41

Ne Mwana wa Aadamu ndivhatumiilizya avhahavhizya vhaane, inga vhavhavhungaanishe nu kuvhafumwa mu vhumwene vhwane, avhantu vhonti vhe vhakuvhapuvwa avhamwavho na vhasambusu.

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 2:13

Lwe avhamanyinsanyi avha nzota vheepa, uhavhizya uwa MWENE uMulungu ahamuloleshela uYoosefu mu njozi, ahamuvhuuzya ahati, “Vhuuha, umunyatule umwana nu nyina, mushimbiilile mu nsi iya Miisili, mwe pe uHeelodi kwe amulondole umwana uyo, inga amugoje. Mutendame ukwo, kufishila ahavhaliilizyo he ndiyinza imbavhuuzye kuuti mugalushe.”

Matayi 24:31

Pe ndivhasonteelezya avhahavhizya vhaane ni isaji lye lilikuutaga kwi izwi ipiti. Vhalivhavhungaaniha avhasaavhulwa vhonti avha Mulungu kufuma imbazu zyonti zine izya nsi, kwandila uluvhazu ulwa kwanda kwe insi yanzite, kufishila kwe yisiliiye.”

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 4:11

Pe uMukwalanzi ahamuleha uYeesu pepaala, naluvhiilo avhahavhizya avha Mulungu vhahinza kumuvhombela.

Maliko 10:17

UYeesu ahanda kwepa paala, umuntu wumo ahamushimbiilila, ahamusugamilila, ahamuvhuziilizya ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

uLuuka 1:19

Pe uhavhizya ahamwamula ahati, “Ine ne Gabiliyeeli, nkwimiilila pilongolela ilya Mulungu. Uweene we ansonteleziizye kuuti nkuvhuuzye iwe inongwa inyinza izi.

uLuuka 1:23

Lwe insiku zyakwe zyasila izya kuvhomba imbombo iya vhupuuti, ahavhwela kuhaaya.

uLuuka 16:22

“Pisinda, umupiina uLaazalo ahafwa. Avhahavhizya vhahamunyatula, vhahamuvhiiha papiipi nu Aabulahamu ku mwanya. Udumbwe ula, woope ahafwa, vhahamusyila.

uLuuka 2:13

Naluvhiilo yihaloleha impuga impiti iya vhahavhizya kufuma ku mwanya pooka nu havhizya ula. Vhahamutiimaga uMulungu vhahatinji,

uLuuka 2:9

Naluvhiilo uhavhizya uwa MWENE uMulungu ahavhaloleshela. Uvhuzelu uvhuhali kufuma kwa MWENE vhuhavhahozya imbazu zyonti, pe vhahoogopa nkaani.

iMbombo izya Vhatumwa 11:22

Avhantu avha shivhanza isha ku Yelusaleemu, lwe vhiivwa izyo zye zivhombesile ku vhantu ivho avha mu Antiyookiya, vhahamusonteelezya uBalinaaba kuukwo.

iMbombo izya Vhatumwa 12:23

Lwe vhamutiima uHeelodi vhwevhulo, atahaamupa uMulungu uvhushindamu. Panaapo vhweleele, uhavhizya uwa MWENE uMulungu ahamusunda ku vhuvhinu uvhwa kuliiwa ni nchololo, ahafwa.

iMbombo izya Vhatumwa 12:7

Naluvhiilo ahafumila uhavhizya uwa MWENE uMulungu ahinjila pe uPeeteli áamile, uvhuzelu vhuhalama muhati muula. Uhavhizya uyo ahamuyinzaanya uPeeteli ku luvhazu kumudaamusya, ahamuvhuuzya ahati, “Vhuuha naluvhiilo!” Amanyoloolo ge vhámukunjiiye uPeeteli mu nyoovhe gahalagala pansi!

iMbombo izya Vhatumwa 13:2

Isiku limo lwe vhonti ivho vhakumupuuta uMwene uYeesu nu kuyiima kulya, uMupepo uMufinjile ahavhavhuuzya ahati, “Munsavhulile avha Balinaaba nu Saavhuli ku mbombo ye mbitiiye.”

iMbombo izya Vhatumwa 16:26

Naluvhiilo kuhavha ishisumbi ishipiti, shihayinzaanya ulwalo ulwa jeela. Amalyango gonti gahiiguha na manyoloolo ge vhávhakunjiiye avhakungwa gahasatuha.

iMbombo izya Vhatumwa 27:23

Ine ne muntu wa Mulungu, havhili ne muvhomvi waakwe. Ileelo uvhusiku uhavhizya waakwe amfumiiye.

iMbombo izya Vhatumwa 5:19

Ileelo uvhusiku vhuula uhavhizya uwa MWENE uMulungu ahinza, ahiigula amalyango aga mu jeela, ahavhafumwa panzi, ahavhavhuuzya ahati,

VaLoma 11:14

Nkusuuvhila kuuti, pamo vhaala vhe tuli amavhanda gooka, kwe vhavhalolele umwone imwe ku ziila zye uMulungu akuvhavhombela, inga vhamo muli vhuuvho vhapokwe.

VaLoma 13:6

Havhili mukusonka umusonko, mwe pe avhalongozi avha silikaali lwe vhakuvhomba imbombo ku mute, vhakumuvhombela wu Mulungu.

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

VaLoma 15:27

Avhiitisi ivho vhaavhomvile izyo ku luseshelo, havhili nalyoli vhakudaayilwa kuvhaavwa avhapiina ivho. Yeenya, inga avhantu vhe te Vhayuuda vhali nu vhuliilani mu vhuloote uvhwa Mupepo uMufinjile, kutuushila ku Vhayuuda, pe vhoope vhakwanzilwa kuvhaavwa aVhayuuda ivintu vwavho vwe vhali navwo.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

2 VaKolinti 9:12

Yeenya, imbombo ino ye mukuvhomba, te kuuti yikwavwa avhafinjile vhe vhasovheliilwe vhweleele, yikuvhavhiiha na vhantu avhinji vhamusalifwaje nkaani uMulungu.

VaGalati 3:29

Ishi, mwe pe mwe vhantu vha Chilisiti, pe mwe vha mu mpaapo izya Aabulahamu, mulipwana vwe uMulungu áfinzile.

VaGalati 3:7

Ishi mumanye kuuti, avhantu vhe vhamwitisile uMulungu vhe vhaana vha Aabulahamu avha nalyoli!

VaGalati 3:9

Pe vhaala vhe vhakumwitiha uMulungu vhakulootwa, inza uAabulahamu we ámwitisile.

VaEfeso 3:6

Uvhuzigizigi uvhwo vhwe vhuno: Kwi idala ilya kulyitiha Izwi iLyinza, vhonti vhe te Vhayuuda na Vhayuuda vhakupwana pooka uvhumwene uvhwa Mulungu. Vhakuvha pooka inza ivipelwa ivwa mu muvhili. Kwe kuuti, kutuushila kwa Chilisiti uYeesu vhakuposheela pooka ulufingwi lwe uMulungu áfinzile kuvhaloota aVhayuuda.

Filipi 2:17

Inga vhangangoga, kwe mbe inza impuutile iya divaayi ye yikupungulwa kwonjeelezya impuutile yiinyu. Impuutile yiinyu iyo, mbombo ye mukumuvhombela uMwene. Ileelo poosye inga nkufwa, nkuseshela nkaani, havhili nkuseshela nu kudovhela pooka niimwe.

Filipi 2:25

Ileelo ishi, nkulola suuti kuuti, yihondeeye kumutuma kuli imwe uwamwitu uEpafulodiito. Uweene muvhomvi, havhili musikaali uwamwitu we mwámusonteleziizye kunaavwa vwe nsovheliilwe.

2 VaTesaloniki 1:7

nu kuuvhapa ulutuuzyo imwe mwe mukuyimvilwa pooka niiswe. Alivhomba izyo lwe uMwene uYeesu akugaluha kufuma ku mwanya nu mwilo uwa mwoto, pooka na vhahavhizya vhaakwe avha maha.

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

VaHebuli 10:11

Kulandatana nu lufingwi ulwa hali, insiku zyonti, avhapuuti vhonti avha Vhayuuda vhahamuvhombelaga uMulungu nu kufumwa impuutile zyeziila ulwinji zye zitangeefwa uvhutalamalandu inga hansi.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

VaHebuli 6:12

Mutavhanje mwe vhahata, nkandi muvhalandataje vhaala vhe kwi idala ilya kwitiha nu kujimbiilila, vhaposheleeye ziila zye uMulungu áfinzile kuuvhapa.

VaHebuli 6:17

Woope uMulungu ahanzaga kulolesya apazelu ku vhantu vhe vhaliposheela ziila zye áfinzile kuuti te ahazyandule. Ili lye lyápeleeye kuuti ahomeshezye ulufingwi lwakwe kwi idala ilya kulapa.

VaHebuli 8:6

Ileelo uChilisiti apeliilwe imbombo iya vhupuuti ye nyinza nkaani kuluusya iya vhapuuti aVhayuuda. Uweene we akuvhakundanya avhantu nu Mulungu ku lufingwi lwe lwinza kuluusya luula lwe avheene vhahaluvhombelaga. Havhili ulufingwi ulwo luzengwilwe pa lwalo ulwinza nkaani kuluusya ulufingwi luula ulwa hali.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 1:12

UMulungu ávhalolesiizye kuuti imbombo yaavho iya kukuvhwa yitahavhavwaga avheene, nkandi imwe. Inongwa izyo zye mwázyivuuye ku vhantu vhe vhálumbiliiye Izwi iLyinza ku maha aga Mupepo uMufinjile we uMulungu ámutumile kufuma ku mwanya. Avhahavhizya vhoope vhakusungwa nkaani kumanya inongwa izyo.

1 Peteli 1:4

inga tuposheele uvhupwano vhwe uMulungu avhasenguliiye avhantu vhaakwe ku mwanya. Uvhupwano uvhwo vhutakunanjiha, poosye kuvhola, poosye kufwoha.

1 Peteli 3:7

Niimwe mwe vhanaavuli mwe mwimaaye, mukwanzilwa mutendamaje ku njeele na vhashi vhiinyu, mwe pe mumanyile kuuti vhatali na maha inza imwe. Havhili muvhasunjililaje ku mushinzi, mwe pe uMulungu akuuvhapa mwenti uvhulanzi uvhwa shiima. Muvhombaje vhwevhulo, inga impuuto zyinyu zitadindilwaje.

uYuuda 1:14

UEenoki, utaata uwa 7 kufuma pa Aadamu, áfumwizye uvhukuvhwi ku zyavho. Átili, “Yeenyi, uMWENE uMulungu akwinza na vhahavhizya vhaakwe avhafinjile amashumi na mashumi,

Ishitushizya 5:6

Pe nkalola aHagonzi aha MWENE uMulungu he háamile fwe havholiilwe, himiliiye pahati pa shitengo isha vhumwene ni vipelwa viila vine na vhasongo vhaala. Háamile ni mpembe 7 na minso 7, ge Mpepo 7 izya Mulungu zye ázisonteleziizye mu nsi yonti.