VaGalati 6:9 - ULufingwi uLupwa

⁹ Ishi tutalitaje kuvhomba inyinza, mwe pe inga tukujimbiilila, tuliivuna inyinza, lwe ahavhaliilizyo haafiha.

Tesitamenti Umupwa 1965

⁹ Tutalitaje ukuvombʼinyinza, shʼinga tutakusilikitwa, pe tuliṿunʼimṿuno pamwaha wakwe.

VaGalati 6:9 ပူးပေါင်းရင်းမြစ်များ

Matayi 10:22

Avhantu vhonti vhalivhavitilwaga, mwe pe mukundandata ine. Ileelo we alijimbiilila kufishila ku vhusililishilo we aliipokwa.

Matayi 24:13

Ileelo we alijimbiilila kufishila ku vhusililishilo, we aliipokwa.

Matayi 25:17

Woope we vhámupiiye italanta zivhili, ahasogola kuzitaanania, ahambulila izyamwavho zivhili.

Matayi 9:19

Pe uYeesu ahavhuuha pooka na vhasundikwa vhaakwe, vhahamulandata umupiti uyo.

Maliko 3:3

UYeesu ahamuvhuuzya umuntu uyo we inyoovhe yaakwe yáhataliiye ahati, “Yimiliila pahati ipa.”

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

2 VaKolinti 4:16

Pe ishi, tutakuvunziha umwoyo, poosye inga amavhili giitu gakunanjiha, muhati zyitu uMulungu akutupela kuvha twe vhapwa insiku zyonti.

2 VaKolinti 9:6

Mukumbushe kuuti, “Umuntu we akuvhwala ivinsi, akuvuna ivinsi, woope we akuvhwala ivwinji, akuvuna ivwinji.”

VaEfeso 3:13

Ishi nkulaavha mutahavunzishe amooyo kuzya mayimba ge nkuyimba ku zyinyu. Amayimba igo gakuvhaleetela uvhushindamu shiima shiima.

2 VaTesaloniki 3:13

Ileelo imwe vhamwitu, mutahaalite kuvhomba inyinza.

VaHebuli 12:3

Musivhiilile zye zyámwazile uYeesu, na vwe ahajimbililaga ku ziila zye avhatalamalandu vhahamudindaga, inga mutahinze mulite nu kuvunziha umwoyo.

VaHebuli 12:5

Vhuli, muluviilwe insoshi ziila zye uMulungu ahavhasohaga imwe mwe vhaana vhaakwe lwe akuvhagomwa amooyo? Yeenya, uMulungu áyanzile átili, “We mwana waane, tejeelezya! Utasufwaje lwe uMWENE uMulungu akuukupa isunde kukusoha, havhili utafwanje umwoyo lwe akukupilila paala pe ukuteega.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

Yakobu 5:7

Mwe vhamwitu, mujimbililaje kufishila ahavhaliilizyo he uMwene uYeesu aliyinza. Yeenyi uvhujimbiilizu uvhwa mulimi. Uweene akuguliilila umugunda wumezye nu kugomwa iviyavho ahinza. Iviyavho ivwo vili ni ilonka ku kwakwe. Ye nongwa akujimbiilila imvula iya mu ndundo ni ya shisiku.

1 Peteli 2:15

Nkuyanga vhwevhulo, mwe pe uMulungu akwanza muvhombaje inyinza, inga avhapukupuuku vhe vhatamumanyile uweene, vhatavhanje ni lya kuvhakwinkwina.

1 Peteli 3:17

Nkuyanga vhwevhulo, mwe pe kwashi kuyimvilwa kuzya kuvhomba inyinza inga lwe lukasamo ulwa Mulungu, kuluusya kuyimvilwa kuzya kuvhomba imbiivhi.

1 Peteli 4:19

Pe ishi, avhantu vhonti vhe vhakuyimba ku lukasamo ulwa Mulungu, vhajendeelele kuvhomba inyinza nu kuyivhiiha mu nyoovhe izya Mulungu we ahavhapela, havhili we mutungamu.

Ishitushizya 2:17

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa imana iya kukwilu. Havhili ndiimupa ivhwe izelu lye lisimviilwe izina ipwa. Ataliipo we alilimanya izina ilyo, nkandi we wula we akuliposheela.”

Ishitushizya 2:3

Havhili uhagulililaga nu kujimbiilila kuzya izina lyane shisita kulita.

Ishitushizya 2:7

We ali na makutwi, atejeelezye ziila zye uMupepo uMufinjile akuvivhuuzya ivivhanza. Ula we alipoota indingo ndiimupa amantonongwa aga ikwi lye likufumwa uvhulanzi, lye lili mu shilimbika isha Mulungu.”