VaGalati 6:8 - ULufingwi uLupwa

⁸ Yeenya, we akuvhulandata uvhuntu uvhwa vhutalamalandu, aliivuna uvhufwe. Ileelo we akumulandata uMupepo uMufinjile, aliivuna kufuma ku kwakwe uvhulanzi uvhwa shiima.

Tesitamenti Umupwa 1965

⁸ Shʼuno wengʼakupesela mumuvili wakwe uwa mbivi, wʼaliṿuna lwe lunanjiho mumuvili wa mbivi; nkandʼuno wengʼakupesela mwa Mupepo, wʼaliṿuna uvulanzi vwa shimashima mwe mwa Mupepo.

VaGalati 6:8 ပူးပေါင်းရင်းမြစ်များ

Matayi 19:29

Havhili umuntu we ayilesile inyumba yaakwe, poosye avhanine vhaakwe avhanaavuli, poosye avhantanda, poosye utaata waakwe, poosye umaayi waakwe, poosye avhaana vhaakwe, poosye amagunda gaakwe kuzya izina lyane, uyo aliposheela ivwinji nu vhulanzi uvhwa shiima.

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

uLuuka 18:30

uyo ahavhaliilizyo iha he ali mu nsi umu, akuposheela ivwinji kuluusya vwe avilesile. Havhili, ahavhaliilizyo he hakwinza, aliposheela uvhulanzi uvhwa shiima.”

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Yohani 4:36

We akuvuna akuposheela amalipilo gaakwe. Akuvhungaaniha mu shanga shaakwe vwe avunile, kwe kuuti uvhulanzi uvhwa shiima. Kuli izyo, we akuvhwala na we akuvuna vhonti vhaliseshela pooka.

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

VaLoma 8:11

Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

VaLoma 8:6

Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

1 VaKolinti 15:42

Vwe ziliivha lwe avhafwe vhakuzyuha. Wukusyilwa umuvhili we wukuvhola, ileelo uMulungu aliwuzyusya umuvhili uwa vhulanzi uvhwa shiima.

VaGalati 6:7

Mutayihopenkanyaaje, ataliipo umuntu we angamuhopenkanya uMulungu. She umuntu akuvhwala, she aliivuna.

1 Timoti 1:16

Ileelo uMulungu ámfwiliiye uvhwila, inga uYeesu Chilisiti avhalolesye uvhujimbiilizu vhwakwe vhwonti ku kwane, kuuti mbe ne shiholanyo ku vhaala vhonti vhe vhalimwitiha, inga vhahavhwaje uvhulanzi uvhwa shiima.

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

Yakobu 3:18

Avhantu vhe vhakusungwa uvhutehamu, vhakuvha ngati vhakuvhwala imbeyu, pisinda vhaliivuna uvhugolosu.

2 Peteli 2:12

Avhantu ivho vhali inza ivihanu vwe vitali ni njeele vwe vikupaapwa, inga avhantu vhavilemaje nu kuvivhoola. Vhakuvisaamula ivintu vwe vhatavimanyile. Vhoope uMulungu alivhalovwa inza ivihanu ivwo kuzya vhutalamalandu vhwavho.

2 Peteli 2:19

Vhakufinga kuuti kwe vhaavhape uvhusatushe avhiitisi avhayeyevhazu ivho, she avheene vhazya avha vhutalamalandu. Nkuyanga vhwevhulo, mwe pe umuntu akuvha muzya uwa shiila she shikumukonzya.

uYuuda 1:21

Mujendeelele kuvha mu shikunzi isha Mulungu, nu kumusuuvhila uMwene wiitu uYeesu Chilisiti, kuuti avhafwile uvhwila inga avhinjizye mu vhulanzi uvhwa shiima.

Ishitushizya 22:11

Pe we akuvhomba imbiivhi ajendeelele kuvhomba imbiivhi, we muhandamanu ajendeelele kuvha muhandamanu. We mugolosu ajendeelele kuvhomba ingolosu, havhili we mufinjile ajendeelele kuvha mufinjile.”