VaGalati 6:16 - ULufingwi uLupwa

¹⁶ Vhonti vhe vhakulandila kuvhulandata uvhwanalyoli uvhwo, nalyoli vhantu vha Mulungu. UMulungu avhapanje uvhutehamu nu kuvhafwila uvhwila. Avheene vhe nalyoli vhantu vha Mulungu.

Tesitamenti Umupwa 1965

¹⁶ Vonti lelo vengʼulujendo lwavo vakulugoloshezya muluhomelezyo lunulu, vʼulusankano nulupepelezyo luve navo, ena nakwa Yisilayili wa Mulungu.

VaGalati 6:16 ပူးပေါင်းရင်းမြစ်များ

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaLoma 4:12

Avhantu vhe vhatahiliilwe vhoope, uAabulahamu wu taata waavho mu lwitiho. Yeenya, atakuvha wu taata waavho, mwe pe vhatahiliilwe, nkandi, mwe pe vhakumwitiha uMulungu inza vwe uweene uAabulahamu áali lwe ashiili kutahiililwa.

VaGalati 1:3

UTaata wiitu uMulungu, nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

VaGalati 3:29

Ishi, mwe pe mwe vhantu vha Chilisiti, pe mwe vha mu mpaapo izya Aabulahamu, mulipwana vwe uMulungu áfinzile.

VaGalati 5:16

Ishi nkuvhavhuuzya kuuti, ulujendo lwinyu lulongolwaje nu Mupepo uMufinjile, pe te muhalandate havhili impapilo izya vhuntu vhwinyu uvhwa vhutalamalandu.

VaGalati 5:25

UMupepo atupiiye uvhulanzi uvhupwa, pe ishi tulandataje uvhulongozi vhwakwe.

VaEfeso 6:23

Vhamwitu, uTaata uMulungu nu Mwene wiitu uYeesu Chilisiti vhaavhape uvhutehamu, havhili vhavhaloote mujendeelele kumwitiha nu kukundana.

Filipi 3:16

Ileelo she shikwanzilwa, tujendeelele kulandata zyonti ziila zye tufishiiye.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Filipi 4:7

Pe uvhutehamu vhwe vhukufuma kwa Mulungu vhwe vhukuluusya injeele zyonti, vhulivhuvhatila amooyo giinyu, ni nsiivho zyinyu, mwa Chilisiti uYeesu.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

uYuuda 1:2

UMulungu avhafwilaje uvhwila nu kuuvhapa uvhutehamu ni shikunzi. Vwonti ivwo avhapanje ku vhwinji.