VaGalati 6:12 - ULufingwi uLupwa

¹² Vhe vhakuvhavijiilizya imwe kutahiililwa, vhakuvhomba vhwevhulo, mwe pe vhakwanza kushindikwa na Vhayuuda, ku ziila zye zikuvhombwa mu muvhili. Vhakuvhomba vhwevhulo, inga gatahavhaaje amayimba ge gakufumiilana nu kulumbiilila uvhwanalyoli uvhwa shihovhenkanyo isha Chilisiti.

Tesitamenti Umupwa 1965

¹² Vonti ve vakasimʼukulolehʼahinza uvuntu vwavo, ve vakuvasinjilizyʼimwe ukuti muvolwaje uvuvolwa, she vakusaga ukuti ingavanga ishihovenkanyo sha Chilisiti shinga-vapelelʼukuṿwimilwa.

VaGalati 6:12 ပူးပေါင်းရင်းမြစ်များ

Matayi 23:27

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Muli fwe mbiipa zye vhasinguliiye intope inzelu, zye kunzi zikuloleha nyinza, ileelo muhati zyizuuye amafupa aga vhafwe nu vhuhandamanu uvhwa mavhiila mu mavhiila.

Matayi 23:28

Niimwe vhweleele, kunzi mukuloleha pilongolela lya vhantu mwe vhagolosu kwa Mulungu, ileelo muhati mu mooyo giinyu mwizuuye ishifumbo nu vhusambusu.

Matayi 23:5

Avheene imbombo zyavho zyonti vhakuvhomba, inga avhantu vhavhalole. Nkuyanga vhwevhulo, mwe pe avheene vhakuzwala pa vweni na mu nyoovhe utubuguulu utupiti utwa makwembe kuluusya utwa vhanji, havhili vhakutalimfwa utusampala utwa menda gaavho kuluusya avhanji.

Matayi 5:10

Vhalosiitwe vhe vhakuyimvilwa kuzya vhugolosu, mwe pe uvhumwene uvhwa Mulungu vhwavho.

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:2

Ishi lwe mukuvhaavwa avhapiina, mutakumusyaje ku vhantu inza vwe avhashifumbo vhakuvhomba mu masinagoogi na mu madala, inga avhantu vhavhatiime. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

uLuuka 20:47

Avhantu ivha vhakuvhafwula ivintu avhaziishe! Ku shifumbo shaavho, vhakupuuta impuuto intali, inga avhantu vhatinji vhagolosu. Kuli izyo, uMulungu aliivhapa isunde ipiti!”

Yohani 7:18

Umuntu wonti we akuyanga ku maha gaakwe, akulondola uvhushindamu vhwakwe wuuyo. Ileelo we akulondola kuumupa uvhushindamu ula we amusonteleziizye, akuyanga uvhwanalyoli, atakuyanga izya ilenga.”

iMbombo izya Vhatumwa 15:1

Lwe avha Paavhuli nu Balinaaba vhali ku Antiyookiya, avhantu vhamo vhahafuma ku Yudeeya, vhahasogola kuukwo. Vhahanda kuvhasambiilizya avhiitisi kuuti, “Inga mutakuyitahiili kulandata amiiho ge uMoose átulesheeye, mutangaapokwa.”

iMbombo izya Vhatumwa 15:5

Ileelo avhiitisi vhamo avha mpuga iya Vhafalisaayi vhahimiilila, vhahati, “Vhoope vhe te Vhayuuda vhakwanzilwa kuyitahiili, nu kuzilema indajizyo zyonti izya Moose.”

2 VaKolinti 10:12

Tutakuyivhiiha inga hansi mu mpuga yooka, poosye kuyiholanya na vhantu vhe vhakuyihomeshezya vhuuvho inyinza. Avhantu vhe vhakuyitumvwa nu kuyiholanya vhuuvho, vhatashimanyile naashimo.

2 VaKolinti 11:13

Avhantu inza ivho vhatumwa avha ilenga, avheene vhavhomvi vhe vhakuhopenkanya, vhakuyivhiiha ngati vhatumwa avha Chilisiti.

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 2:3

Havhili poosye nu wamwitu uTiiti we te Muyuuda, vhatámuvijiliziizye kutahiililwa,

VaGalati 5:11

Vhamwitu, vhamo vhakuyanga vhakuti ine indi she nkukumusya kuuti, vhonti vhakwanzilwa kutahiililwa. Inga vwe nkuyanga vhwevhulo, shooni she indi she nkuyimvilwa? Inga vwe nkuyanga vhwevhulo, kukumusya kwane inongwa izya shihovhenkanyo isha Yeesu, nkandi kutakuvhaviisya.

VaGalati 6:13

Havhili vhe vhakwanza kuuti avhiitisi vhonti vhatahiililwe, avheene vhatakuzilandata indajizyo zyonti. Vhakwanza kuuti imwe mutahiililwe, inga vhayitumvwizye amavhili giinyu kuuti avheene vhe vhavhavhiisile kuuti mwandushe.

Filipi 1:15

Vhamo vhakukumusya izwi ilya Chilisiti, mwe pe vhakundolela umwone, havhili vhakwanza kutumvanya niine. Ileelo vhamo, vhakukumusya izwi ilya Chilisiti ku mwoyo umugolosu.

Filipi 2:4

Mutayivhombelaje mweneemwe mweka vhweleele, muvhavhombelaje na vhamwinyu.

Filipi 3:18

Imbavhuuzizye inongwa izi ulwinji. Ishi havhili nkuvhuyiila kuvhavhuuzya ku mansozi, kuuti avhantu avhinji vhakulandila ngati vhalugu avha shihovhenkanyo isha Chilisiti.

Kolosi 2:23

Nalyoli, vhe vhakulandata amiiho igo, vhakuloleha kuuti vhali nu vhushindamu uvhwa njeele. Vhakulandata ishipuuto she vhayivhishiiye vhuuvho, uvhwahayiisye uvhwa ilenga nu kugakonzya amavhili ku vhuhali. Ileelo amiiho igo gatangadinda impapilo izya vhuntu uvhwa vhutalamalandu.