VaGalati 6:1 - ULufingwi uLupwa

¹ Vhamwitu, inga umuntu aagwa mu vhutalamalandu, imwe mwe mukulongolwa nu Mupepo mumusohaje ku vhutonsu vhwe vhukufuma kwa Mupepo, inga aleshe uvhutalamalandu vhwakwe. Havhili muvhanje minso, inga niimwe mutahinze mulingwe kululandata ulujendo lwakwe.

Tesitamenti Umupwa 1965

¹ Mwe vamwitu imwe, pope nashengʼumulandu akumupulushila wokʼuwamwinyu, pʼimwe mwe vana-Mupepo mumuyananye nohavili muvutelefu. Ushevaje nawenewe ukuti niwe utahalingwe.

VaGalati 6:1 ပူးပေါင်းရင်းမြစ်များ

Matayi 11:29

Mwitishe kulongolwa niine, ngati nkambaku zye zipinyiilwe ni ijooko, musambiilile kuli ine, mwe pe ine ne mutonsu havhili njisiizye mu mwoyo waane, pe niimwe kwe muvhe nu vhutehamu mu mooyo giinyu.

Matayi 26:69

Ahavhaliilizyo hehaala uPeeteli átendiime panzi pa luvhungaano. Pe umuvhomvi wumo umulindu ahapalamila kwa Peeteli, ahamuvhuuzya ahati, “Niiwe waamile pooka nu Yeesu uwa ku Galilaaya.”

Matayi 26:75

UPeeteli ahalikumbuha izwi ilya Yeesu lye átili, “Lwe inkanda yishiili kuvhilishila, kuuti uvhe wankaana lutatu.” Pe ahafuma panzi nu kukuuta ku vhuswimiilizu nkaani.

Matayi 9:13

Ishi sogooli musambiilile amazwi ge gakuti, ‘Nkwanza uvhwila kuluusya kufumwa impuutile.’ Nkuvhavhuuzya vhwevhulo, mwe pe ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

VaLoma 14:1

Mumuposheelaje uwamwinyu we muyeyevhazu mu lwitiho, mutadalinkanaje nawo ku nsiivho zyakwe zye zikusugaana ni zyinyu.

VaLoma 15:1

Ishi iswe twe tugomile mu lwitiho, yikwanzilwa tuvhajimbililaje vhaala vhe vhatagomile mu lwitiho, tuleshe kuvhomba ziila zye zikutuhondezya sweneeswe.

VaLoma 8:6

Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

1 VaKolinti 10:12

Pe ishi, we akuyilola kuuti ayimiliiye ahinza mu lwitiho, avhe minso, inga atahinze agwe.

1 VaKolinti 14:37

Inga umuntu akuyilola kuuti mukuvhwi, poosye ali ni shikunjilwa ishamwavho, amanye kuuti, izi zye nkuvhasimbila, ndajizyo kufuma kwa Mwene uYeesu.

1 VaKolinti 2:15

Umuntu we akulongolwa nu Mupepo uwa Mulungu, akuzimanya zyonti, ileelo avhantu avhanji vhatangamumanya.

1 VaKolinti 3:1

Vhamwitu, lwe náali kuli imwe ntahayangaga niimwe fwe nkuyanga na vhantu vhe vhakulongolwa nu Mupepo uMufinjile, nkandi fwe nkuyanga na vhantu vhe vhakulongolwa nu vhuntu uvhwa vhutalamalandu, havhili fwe nkuyanga na vhaana avhacheeche kumwitiha uChilisiti.

1 VaKolinti 4:21

Ishi mukwanza imbombe ishooni? Vhuli, imbinzile ni ndiisa? Pamo imbinzile ni shikunzi nu mwoyo uwa vhutonsu?

1 VaKolinti 7:5

Mutimanaje, nkandi inga mwitinkiine kuleha ku havhaliilizyo hansi, inga muyifumwe kumulaavha uMulungu. Ileelo pisinda mugalushilanaje havhili, inga uSeetano atahinze avhalinje kuzya kupootwa kuyikonzya kwinyu.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 2:7

Ishi mukwanzilwa kumuswila nu kumusuvhaalizya umuntu uyo, inga atahinze aswimiililwe nkaani nu kuvunziha umwoyo.

2 VaKolinti 2:8

Nkuvhalambiilizya kuuti mulolesye ishikunzi shiinyu ku kwakwe.

VaGalati 5:23

nu vhutonsu nu kuyikonzya. Lutaliipo ululajizyo lwe lukuhaana izyo!

VaGalati 6:18

Vhamwitu, uMwene wiitu uYeesu Chilisiti avhafwilaje uvhwila. Amina.

1 VaTesaloniki 4:1

Ishi vhamwitu, musambiliiye kufuma kuli iswe vwe yikwanzilwa kulandila, inga kumuhondezya uMulungu. Mwe muumwo vwe mukuvhomba vhwevhulo. Ishi, tukuvhalambiilizya ku maha aga Mwene uYeesu kuuti muvhombaje vhwevhulo nu kuluusya.

2 VaTesaloniki 3:15

Ileelo mutamulolaje ngati mulugu, nkandi mumusohaje ngati munine wiinyu.

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

VaHebuli 12:13

Mujendaje mu madala amagolosu, inga vhe vhali ni vinama vwe vilemaaye vhatahavwalale, nkandi vhapone.

VaHebuli 13:3

Muvhakumbuhaje avhantu vhe vhakunziilwe mu jeela, muvhanje ngati mukunziilwe pooka navho. Havhili muvhakumbuhaje vhaala vhe vhakuyimvilwa, muvhanje ngati mukuyimvilwa pooka navho.

Yakobu 3:13

Ishi kuli limwe, inga kuli umuntu we ali nu vhushindamu uvhwa njeele, avhulolesye vhwenevhwo ku lujendo lwakwe ulwinza. Havhili avhombaje imbombo ku vhutonsu vhwe vhukufumiilana nu vhushindamu uvhwa njeele.

Yakobu 3:2

Iswe swenti tukupuvha ku madala aminji. Inga kuli umuntu we atakupuvha kuyanga kwakwe, uyo mulunjisu, uyo we ali na maha aga kuyidinda uvhupuvi uvhwa muvhili waakwe wonti.

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.

1 Yohani 5:16

Kuli uvhutalamalandu vhwe vhutakumuvhiiha umuntu ukutali nu Mulungu shiima shiima. Inga wumo muli imwe akumulola uwamwavho akuvhomba uvhutalamalandu inza uvhwo, amulavhilaje kwa Mulungu, woope uMulungu aliimupa uvhulanzi. Yikuvha vhwevhulo, ku vhaala vhe vhakuvhomba uvhutalamalandu inza uvhwo. Ileelo kuli uvhutalamalandu vhwe vhukumuvhiiha umuntu ukutali nu Mulungu shiima shiima. Ine ntakuti amulavhilaje kwa Mulungu ku vhutalamalandu inza uvhwo.