VaGalati 5:7 - ULufingwi uLupwa

⁷ Ku vhwandilo mwajendelelaga ahinza kumulandata uChilisiti! Ishi wu naanu we avhadinda kuvhulandata uvhwanalyoli?

Tesitamenti Umupwa 1965

⁷ Ukushimbila mulutumṿanyo kwe muhashimbilʼahinza. Unanu wʼahavadindila ukuti mutalandataje uvwanalyoli?

VaGalati 5:7 ပူးပေါင်းရင်းမြစ်များ

Matayi 13:21

Ileelo, mwe pe amazi muhati yaakwe gatiisile pansi nkaani, izwi ilyo likutendama ku havhaliilizyo hansi vhweleele. Amayimba poosye amalavha inga gamwaga kuzya izwi ilya Mulungu, naluvhiilo akulileha.

iMbombo izya Vhatumwa 6:7

Izwi ilya Mulungu lihajendeelela kukumuha mu vhantu, avhalandati avha Yeesu vhahonjelaga kuvha avhinji mu Yelusaleemu, na vhapuuti avhinji vhoope vhahamwitihaga uYeesu.

VaLoma 10:16

Poosye vhwevhulo, te kuuti aVhaisilayeeli vhonti vhályitisile Izwi iLyinza. Yeenya, umukuvhwi uYisaayi átili, “We MWENE Mulungu, wu naanu we áyitisile izwi lye twálumbiliiye?”

VaLoma 15:18

Niine te njanje naashimo ishinji, nkandi sheshiila she uChilisiti ávhomvile kutuushila kuli ine, isha kuvhavhiiha vhe te Vhayuuda kuuti vhamushindishe. Ávhomvile vhwevhulo kutuushila ku mazwi ge nkayangaga na ku mbombo zye nkavhombaga,

VaLoma 16:26

Ileelo uMulungu uwa shiima álajiziizye kuuti Izwi ilyo liloleshe apazelu kutuushila mu Vhusimbe uVhufinjile uvhwa vhakuvhwi. Havhili kuuti avhantu avha mu nsi zyonti vhalimanye Izwi ilyo, inga vhamwitishe nu kumushindiha.

VaLoma 2:8

Ileelo vhe vhakupapamila na vhe vhakuhaana uvhwanalyoli, nkandi vhakwitiha kuvhomba imbiivhi, uMulungu alivhaviitilwa nu kuuvhapa isunde.

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

1 VaKolinti 9:24

Vhuli, mutamanyile kuuti avhantu vhe vhakutumvanya mu luvhilo, vhonti vhakushimbila, ileelo we akuposheela ishipeelwa akuvha wooka? Vhwevhulo niimwe, muyikungulaje kuvhomba zye zihondeeye pilongolela ilya Mulungu, inga muhaposheele ivipeelwa.

2 VaKolinti 10:5

Tukunanganya amabaado ni zinji zyonti zye zikuvhadinda avhantu kuuti vhatamumanyaje uMulungu. Havhili tukuzigoma insiivho zyonti, inga zimushindihaje uChilisiti.

VaGalati 2:2

Násogooye ahavhaliilizyo iho, mwe pe uMulungu ándolesiizye kuuti nsogole. Lwe naafiha, nkatendama na vhalongozi kukwilu, nkavhavhuuzya Izwi iLyinza lye nkavhakumusizyaga vhe te Vhayuuda. Návhomvile vhwevhulo, inga imbombo yaane ye nkuyivhomba yitishilwe, yitahaavhe ya vhweleele.

VaGalati 3:1

Mwe Vhagalaatiya, nalyoli mwe vhapukupuuku! Wu naanu we avhalozile? Návhalumbiliiye imwe, niimwe muhamanya ahinza inongwa izya Yeesu Chilisiti, vwe vhámuhomeleeye pa shihovhenkanyo.

VaGalati 5:10

Imwe mwe vhantu avha Mwene uYeesu. Nkuyanga ishisita amaganigani kuuti, te mulandate amazwi aga vhantu avhanji, nkandi kwe mulandate amazwi gaane. Havhili wonti we akuvhateezya imwe, nalyoli alilongwa, poosye avhe wu naanu.

2 VaTesaloniki 1:8

Uweene we alivhasunda vhonti vhe vhakumuhaana uMulungu, na vhe vhatakulishindiha Izwi iLyinza ilya Mwene wiitu uYeesu.

VaHebuli 11:8

Mwe pe uAabulahamu ámwitisile uMulungu, lwe uMulungu amuvhuuzya kuuti ayeepe mu nsi yaakwe nu kusogola mu nsi ye uMulungu áfinzile kuumupa, uAabulahamu áyeefile mu nsi iyo pooka nu kuuti atámanyile kwe ahasogolaga.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.