VaGalati 5:4 - ULufingwi uLupwa

⁴ Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

Tesitamenti Umupwa 1965

⁴ She pe muyefizye mwa Chilisiti imwe mwe mukwanzʼukugoloshelʼuvugolosu mwe munkomelezyo, musolomosile muvwila mwe mwali.

VaGalati 5:4 ပူးပေါင်းရင်းမြစ်များ

VaLoma 11:6

Kuli izyo, mwe pe vhasavhuliilwe ku vhwila vhwa Mulungu, vhatakupokwa ku mbombo zye vhavhomvile. Mwe pe inga zyaamile mbombo zyavho zye vhavhomvile, pe uvhwila vhutangavha vhwila havhili.

VaLoma 3:20

Yeenya, ataliipo umuntu we alivhaazilwa kuuti mugolosu pilongolela ilya Mulungu kwi idala ilya kulandata indajizyo vwe zikuyanga. Imbombo iya ndajizyo kwe kulolesya kuuti avhantu vhonti vhatalamalandu.

VaGalati 2:21

Ntakwanza kuvhuhaana uvhwila uvhwa Mulungu. Yeenya, inga umuntu angavhaazilwa kuuti mugolosu kwi idala ilya kuzilandata indajizyo izya Moose, pe uChilisiti áfuuye vhweleele!

VaGalati 5:2

Tejeelezyi! Ine ne Paavhuli nkuvhavhuuzya izi! Inga mukwitiha kutahiililwa, kuzilandata indajizyo izya Moose, pe uChilisiti atali ni ilonka naalimo kuli imwe.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 4:1

Pe ishi, mwe pe ulufingwi ulwa Mulungu ulwa vhantu kwinjila pa lutuuzyo lwakwe luli she luliipo, pe twogopaje, inga atahinze avhe umuntu inga wooka muli imwe uwa kupootwa kwinjila penepo.

Ishitushizya 2:5

Pe ukumbushe paala pe wáamile lwe ushiili kuteega. Upindushe, uzivhombaje imbombo intanzi. Ileelo inga utavhomba izyo, nkwinza naluvhiilo kuli iwe nu kusheefwa ishisajishilo isha nyaale pe shili.