VaGalati 5:23 - ULufingwi uLupwa

²³ nu vhutonsu nu kuyikonzya. Lutaliipo ululajizyo lwe lukuhaana izyo!

Tesitamenti Umupwa 1965

²³ nuvutehamu nuvwahayisunde. Zitalipʼinkomelezyo zye zingalasana niṿintu ṿiniṿi.

VaGalati 5:23 ပူးပေါင်းရင်းမြစ်များ

iMbombo izya Vhatumwa 24:25

Ileelo lwe uPaavhuli akujendeelela kuyanga izya vhugolosu nu kuyikonzya ni zya isiku ilya vhulonzi vhwe vhukwinza, uFeeliki ahoogopa, ahati, “Ishi sogolaaga, kwe nkwite havhili inga navha na havhaliilizyo.”

1 VaKolinti 9:25

Vhe vhakutumvanya mu luvhilo, vhakuvhomba izya kugakonzya amavhili gaavho, inga vhapoote ulutumvanyo. Vhakuvhomba izyo, inga vhaposheele ishipambwi she shikunanjiha. Ileelo iswe tukuvhomba vhwevhulo, inga tuhaposheele ishipambwi she shitakunanjiha naalumo.

VaGalati 5:18

Ileelo inga mukulongolwa nu Mupepo, mutakuvha mwe vhazya avha ndajizyo.

1 Timoti 1:9

Havhili tumanyile kuuti indajizyo zitavhisiilwe ku vhantu avhagolosu, nkandi ku vhapuvi vhe vhatakusaajila na ku vhe vhatakumushindiha uMulungu, na vhe vhakuvhomba uvhutalamalandu. Havhili zivhisiilwe ku vhe vhakuviitilwa imbombo iya Mulungu nu kusungwa imbombo izya mu nsi, na ku vhe vhakugoga avhayise na vhanyina, na vhagozi avhanji vhonti.

uTiiti 1:8

Ileelo akwanzilwa kuuti avhanje muntu we mutesi na we akuzisungwa nyinza. Havhili akwanzilwa kuuti avhanje muntu we akuyikonzya nu kuvhomba ingolosu nu kuvha mufinjile na we akuyidinda ku mbiivhi.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.