VaGalati 5:22 - ULufingwi uLupwa

²² Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

Tesitamenti Umupwa 1965

²² Izyene nyene insanga zya Mupepo zye zye zino: Ishikunzi nuluseshelo nuvwihalo nuvuzyihamulaha nuvutelefu nishikuku nulwitiho;

VaGalati 5:22 ပူးပေါင်းရင်းမြစ်များ

Matayi 12:33

“Muvhwalaje ikwi ilyinza, goope amantonongwa gaakwe gakuvha minza. Muvhwalaje ikwi ivhiivhi, goope amantonongwa gaakwe gakuvha mavhiivhi. Ikwi likumanyiha vwe lili kufumiilana na mantonongwa gaakwe.

uLuuka 13:9

Inga lyahoma amantonongwa umwaha we wukwinza, yiliivha ahinza! Ileelo inga litaahoma, pe uhalyilulaje.’”

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 15:2

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

Yohani 15:5

“Ine indi inza ikwi ilya impensya, imwe mwe nsamba. Umuntu wonti we akuvha muhati yaane, niine nkuvha muhati yaakwe, uyo we akuhoma amantonongwa aminji, mwe pe ishisita ine mutangavhomba naashimo.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 15:14

Mwe vhamwitu, ine neneene, nalyoli imanyile kuuti imwe mwizuuye uvhwinza nu kumanya zye zikwanzilwa kuvhomba, havhili mungasambilizanya.

VaLoma 15:3

Yeenya, woope uChilisiti atáyisivhiliiye wuuyo weeka, nkandi zye ávhomvile zikuvhalilana nu Vhusimbe uVhufinjile vhwe vhukuti, “Indigo zye vhakukuliga iwe Mulungu, zyánaazile ine.”

VaLoma 15:30

Mwe vhamwitu, ku maha aga Mwene wiitu uYeesu Chilisiti na ku shikunzi she uMupepo uMufinjile akuutupa, nkuvhalambiilizya ku mwoyo waane wonti, kuuti muvhe pooka niine, kundaavhila ine kwa Mulungu.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

VaLoma 7:4

Vhamwitu, vwe zili na kuli imwe. Inza vwe inga umuntu aafwa indajizyo zitakumukonzya, niimwe indajizyo izya Moose zitakuvhakonzya, mwe pe muli ngati mufuuye pooka nu Chilisiti pa shihovhenkanyo. Ishi imwe mwe vhantu vhaakwe we ázyusile, inga tuvhombaje imbombo inyinza zye zikumuhondezya uMulungu.

VaLoma 8:5

Vhe vhakulongolwa nu vhuntu uvhwa vhutalamalandu, injeele zyavho zikusiivha kwe kuvhomba uvhutalamalandu. Ileelo vhaala vhe vhakulongolwa nu Mupepo uMufinjile, injeele zyavho zikusiivha kuvhomba zye uMupepo uMufinjile akusungwa.

1 VaKolinti 13:13

Ivintu ivi vitatu, ulwitiho nu lusuuvhilo ni shikunzi te vihaasile naalumo. Ileelo she shipiti muli ivwo, shikunzi.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaEfeso 4:23

Havhili mwásambiliiye kuuti mugalulanye insiivho zyinyu zivhe impwa.

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

2 VaTesaloniki 3:2

Mutulavhilaje inga uMulungu atuposhe ku vhantu avhavhiivhi, havhili vhe te vha nalyoli, mwe pe te vhonti vhe vhakwitiha izwi ilyo.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.