VaGalati 5:21 - ULufingwi uLupwa

²¹ nu mwone nu vhwashimwela nu vhupafu ni zinji zye zikuholana niizyo. Nkuvhavhuuzya havhili inza vwe návhavhuziizye kuuti, avhantu vhe vhakuvhomba izyo, te vhahinjile mu vhumwene uvhwa Mulungu.

Tesitamenti Umupwa 1965

²¹ nukumusivililʼumuntu imbivi, nuvwashingʼwezi nuvuluṿu, nizinji vwelele zye zili fwe zye zino. Zye nkuvuyizyʼukuvavuzya inza she natalisilʼukuvavuzya nzila ukuti ve vakuvomba zinizi, ve vatalipwanʼuvupwano vwa shinamwene sha Mulungu.

VaGalati 5:21 ပူးပေါင်းရင်းမြစ်များ

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

1 VaKolinti 15:50

Vhamwitu, nkuyanga nkuti amavhili giitu aga pa nsi ipa, gatanginjila mu vhumwene uvhwa Mulungu. She shikufwa nu kuvhola, shitangavha nu vhulanzi uvhwa shiima.

1 VaKolinti 5:11

Ileelo naavhasimbiiye kuuti muleshe kuvha nu vhuliilani nu muntu we akwitwa wamwitu inza imwe, she mulugusu, poosye wa lupapamilo, poosye wa kupuuta iviholanyo, poosye wa musaamu, poosye wu shimwela, poosye mupumula vintu. Umuntu inza uyo, muleshe poosye nu kulya nawo.

VaEfeso 5:18

Havhili mutaholwaje, mwe pe uvhwashimwela vhukunanganya uvhulanzi uvhwa muntu. Ileelo mukwanzilwa mwizule uMupepo uwa Mulungu.

Kolosi 3:6

Inga mukuvhomba izyo, uMulungu alivhasunda nu vhuhalazu vhwakwe.

1 VaTesaloniki 5:7

Mwe pe vhe vhakukaata utulo, vhakukaata vhusiku. Havhili vhe vhakuholwa, vhakuholwa uvhusiku.

2 VaTesaloniki 2:5

Imanyile mukukumbuha kuuti, nkavhavhuzyaga zyonti izyo lwe nkavhanga pooka niimwe!

VaHebuli 13:4

Uvhusendelo vhukwanzilwa vhushindikwaje na vhantu vhonti, havhili umulume nu mushi vhatavhombaje uvhulugusu nu vhuvhembu, mwe pe uMulungu alivhalonga avhantu vhonti vhe vhakuvhomba uvhulugusu nu vhuvhembu.

1 Peteli 4:3

Nkuyanga vhwevhulo, mwe pe hali ahavhaliilizyo honti mu vhulanzi vhwinyu muhavhombaga zye avhantu vhe vhatamwitisile uMulungu vhakusungwa kuvhomba. Ahavhaliilizyo iho muhavhombaga uvhumalaaya nu kulandata impapilo imbiivhi nu vhwashimwela nu vhupafu nu kuvha ni vikulukuulu ivwa kumwela nu kupuuta iviholanyo.

Ishitushizya 21:27

Ileelo shonti she shihandamanu te shihinjile muumwo, poosye umuntu wonti we akuvhomba izya kuviisya poosye izya ilenga te ahinjile muumwo. Vhevhaala vhweleele vhe amazina gaavho gasimviilwe mwi ikalaata ilya vhulanzi ilya Hagonzi aha MWENE uMulungu vhe vhaliyinjila.

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.