VaGalati 5:17 - ULufingwi uLupwa

¹⁷ Yeenya, vwe uvhuntu uvhwa vhutalamalandu vhukupapamila, vikulwana nu Mupepo uMufinjile. Havhili vwe uMupepo uMufinjile akwanza, vikulwana nu vhuntu uvhwa vhutalamalandu. UMupepo uMufinjile atakwivwana nu vhuntu uvhwa vhutalamalandu, inga mutavhombaje zye mukwanza kuvhomba.

Tesitamenti Umupwa 1965

¹⁷ Shʼumuvili wa mbivi akupapila zizyo zyʼuMupepo atakupapila, vovulo nuMupepo akupapila zizyo zyʼumuvili wa mbivi atakupapila. Vwe ṿilasine ṿwe ṿivili vovulo, ukuti mutavombaje zizyo zyenga mukasimʼimwe ukuvomba.

VaGalati 5:17 ပူးပေါင်းရင်းမြစ်များ

Matayi 12:30

“Umuntu wonti we atali uluvhazu lwane, mulugu waane. Havhili, we atakuvhavhungaaniha avhantu pooka niine, uyo akuvhasasaanya.

Matayi 16:17

UYeesu ahamwamula ahati, “Ulosiitwe iwe Siimoni we mwana wa Yoona, mwe pe izi te muntu we akulolesiizye, nkandi wu Taata waane uwa ku mwanya.

Matayi 16:23

Ileelo uYeesu ahagalunkana kwa Peeteli, ahamuvhuuzya ahati, “Galuuha mwisinda iwe Seetano! Ukulinga kundinda kuvhomba ulukasamo ulwa Mulungu! Nkukuvhuuzya isho, mwe pe zye ukusiivha te zya Mulungu, ukusiivha izya vhantu.”

Matayi 26:41

Damuuli, mumulaavhaje uMulungu, kuuti aavhape amaha, inga indingo zitahinze zivhapoote. Mukusungwa kuvhomba ahinza ileelo amavhili giinyu mayeyevhazu.”

Matayi 5:6

Vhalosiitwe vhe vhali ni nzala ni shinyooto isha vhugolosu, mwe pe vhaliyiikuta.

uLuuka 22:33

USiimoni ahati, “We Mwene! Ine njifumwizye kuvha niiwe, yivhe kwe kukungwa mu jeela, poosye yivhe kwe kufwa!”

uLuuka 22:46

Ahavhavhuuzya ahati, “Shooni she mukaasite utulo? Damuuli! Mumulaavhaje uMulungu, kuuti aavhape amaha, inga indingo zitahinze zivhapoote.”

Yohani 3:6

Avhapaafi vhakupaapa avhaana vhaavho nu muvhili, ileelo uMupepo uMufinjile we akupaapa avhantu vhupwa, inga vhavhe nu vhulanzi uvhwa shiima.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

VaGalati 3:21

Vhuli, indajizyo zitakuvhalilana na zye áfinzile uMulungu? Ndaali, te muumwo inga hansi! Yeenya, inga zyaaliipo indajizyo zye zingaavhapa avhantu uvhulanzi, pe nkandi tukuvhaazilwa kuuti twe vhagolosu kwi idala ilya ndajizyo.

Yakobu 3:2

Iswe swenti tukupuvha ku madala aminji. Inga kuli umuntu we atakupuvha kuyanga kwakwe, uyo mulunjisu, uyo we ali na maha aga kuyidinda uvhupuvi uvhwa muvhili waakwe wonti.