VaGalati 5:13 - ULufingwi uLupwa

¹³ Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

Tesitamenti Umupwa 1965

¹³ Shʼimwe mwisitwe ukuti muve mwe vasatushe, mwe vamwitu, mwandaje lelo ukuti uvusatushe vwinyu vutayipelajʼukuva linanto lya kujendela pupo umuvili winyu wa mbivi. Nkandi she shikunzi she shivatumaje ukuvombelana mwe muvaliye.

VaGalati 5:13 ပူးပေါင်းရင်းမြစ်များ

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

iMbombo izya Vhatumwa 20:35

Mu zyonti zye nkavhombaga, nkavhalolesyaga imwe kuuti, muvhombaje imbombo ku mute, mwe pe tukwanzilwa kuvhaavwa avhayeyevhazu. Tukumbuhaje amazwi ge uMwene uYeesu wuuyo áyanzile átili, ‘Vhuloote nkaani kufumwa kuluusya kuposheela.’”

1 VaKolinti 8:9

Ishi muvhe minso, uvhumanyi vhwinyu vhutahaavhe lipunulo ku vhayeyevhazu.

1 VaKolinti 9:19

Pooka nu kuuti ine te ne muzya uwa muntu wonti, njivhiisile kuvha ne muzya uwa vhantu vhonti, inga mbaaje avhantu avhinji avha kumwitiha uChilisiti.

2 VaKolinti 12:15

Ine indi nu luseshelo kufumwa ivintu vwane nu kuyifumwa kuvhaavwa imwe. Ileelo ishi yikuloleha kuuti, lwe ine nkwonjezya kuvhakunda nkaani, nkulola ishikunzi shiinyu shikusheepa kuli ine.

2 VaKolinti 2:8

Nkuvhalambiilizya kuuti mulolesye ishikunzi shiinyu ku kwakwe.

2 VaKolinti 3:17

Yeenya, uMwene we wu Mupepo, pe pali uMupepo uwa Mwene pali uvhusatushe.

2 VaKolinti 4:5

Nkuyanga vhwevhulo, mwe pe iswe tutakukumusya inongwa zyitu, ileelo tukukumusya kuuti uYeesu Chilisiti we wu Mwene, niiswe twe vhavhomvi vhiinyu kwi idala ilya kumuvhombela uYeesu.

VaGalati 2:4

poosye inga vháliipo avhiitisi avhanji avha ilenga vhe vhahanzaga kuuti atahiililwe. Avhantu ivho vháyinjiziizye ku vhushevu kuvhupenza uvhusatushe vhwitu vhwe tupeliilwe nu Chilisiti uYeesu, inga vhatuvhiishe mu vhuzya uvhwa kulandata indajizyo izya Vhayuuda.

VaGalati 4:22

Yisimviilwe mu Vhusimbe uVhufinjile kuuti, uAabulahamu áamile na vhaana vhavhili, wooka kwa mwantanda we áamile muzya we vhahatinji uHaajili, uwamwavho kwa mwantanda we áamile musatushe we vhahatinji uSaala.

VaGalati 5:1

UChilisiti atusatuuye, inga tuvhe twe vhasatushe. Ishi musimpe ku maha, mutahiitishe kuvha mwe vhazya avha ndajizyo havhili.

VaGalati 5:14

Indajizyo zyonti izya Moose zili mu lulajizyo lwoka lwe lukuti, “Umukundaje umupalamani waaho inza vwe ukuyikunda weneewe.”

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

VaGalati 6:2

Mwavwanaje mu ntamwo zyinyu. Kuvhomba vhwevhulo, kwe kulunjisya ululajizyo ulwa Chilisiti.

VaEfeso 5:21

Havhili mushindinkanaje, mwe pe mukumushindiha uChilisiti.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 Peteli 2:16

Imwe mwe vhasatushe, ileelo mutavhuvhombelaje uvhusatushe uvhwo kuvhomba imbiivhi, nkandi mulandilaje inza vwe avhavhomvi avha Mulungu vhakwanzilwa kulandila.

2 Peteli 2:19

Vhakufinga kuuti kwe vhaavhape uvhusatushe avhiitisi avhayeyevhazu ivho, she avheene vhazya avha vhutalamalandu. Nkuyanga vhwevhulo, mwe pe umuntu akuvha muzya uwa shiila she shikumukonzya.

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.