VaGalati 5:10 - ULufingwi uLupwa

¹⁰ Imwe mwe vhantu avha Mwene uYeesu. Nkuyanga ishisita amaganigani kuuti, te mulandate amazwi aga vhantu avhanji, nkandi kwe mulandate amazwi gaane. Havhili wonti we akuvhateezya imwe, nalyoli alilongwa, poosye avhe wu naanu.

Tesitamenti Umupwa 1965

¹⁰ Ine mbamanyile nzila mwa Mwene ukuti mutalisivʼizinji. Uwene nyene wʼakuvatezanya imwe, wʼaliyaga aha kumusunda, nashenga wʼushitʼulive.

VaGalati 5:10 ပူးပေါင်းရင်းမြစ်များ

iMbombo izya Vhatumwa 15:24

Twivuuye kuuti avhantu vhamo kufuma ku kwitu vhavhavhuziizye inongwa izya kuvhavwalanganya nu kuvhapuvwa amooyo giinyu, ileelo te sweswe twaavhasonteleziizye.

1 VaKolinti 5:5

Ipo umuntu uyo mumwefwe pahati yiinyu nu kumuvhiiha mu nyoovhe izya Seetano, inga uvhuntu vhwakwe uvhwa vhutalamalandu vhusundwe nu kunanjiha, ileelo umwoyo waakwe wupokwe isiku ilya kwinza uMwene Yeesu.

2 VaKolinti 1:15

Mwe pe imanyile kuuti muliyitumvwa ku zyitu, nanzaga kulongolela kwinza kuli imwe suuti. Kuli izyo, mwaamile muposheelaje uvhuloote luvhili kuzya ine kwinza ukwo luvhili.

2 VaKolinti 10:2

kuuti lwe ninza kuli imwe mutahambiishe kuvha ne muhali. Nkuyanga vhwevhulo, mwe pe ingavha ne muhali ku vhantu vhonti vhe vhakusiivha kuuti, iswe tukulandata izya mu nsi.

2 VaKolinti 10:6

Pe lwe mwamushindiha uChilisiti nziila, iswe tuyisengiinye kuvhasunda vhonti vhe vhatakumushindiha.

2 VaKolinti 13:10

Nkuvhasimbila amazwi iga lwe nshiili kwinza, inga lwe naafiha kuli imwe, intahazilole zye zingambiiha kuvha ne muhali. Nkuvhasimbila vhwevhulo, mwe pe nkwanza kuuti amaha ge ampiiye uMwene uYeesu gavhe ga kuvhazenga imwe, gatahaavhe maha aga kuvhagwisya mu lwitiho.

2 VaKolinti 2:3

Ye nongwa naavhasimbiiye ukalaata uwamwavho ula, inga lwe ninza kuli imwe, intahaapelwe kuvha nu vhuswimiilizu na vhantu vhe vhakwanzilwa kumbiiha kuvha nu luseshelo. Imanyile kuuti ine inga navha nu luseshelo, niimwe mukuvha nu luseshelo.

2 VaKolinti 2:6

Isunde ilyo lye limwazile umuntu uyo kufuma ku vhinji, limukwiliiye.

2 VaKolinti 5:16

Ishi, kufuma ahavhaliilizyo iha, tutakumumanya umuntu ku njeele izya vhantu. Poosye she ahavhaliilizyo hamo twámumanyile uChilisiti ku njeele izya vhantu, ileelo ishi tutamumanyile inza isho.

2 VaKolinti 7:16

Naseshela nkaani ku zyinyu, mwe pe ishi nkwanzilwa kuvhasuuvhila nziila.

2 VaKolinti 8:22

Tukumusonteelezya uwamwitu uwamwavho avhe pooka na vha Tiiti. Uwamwitu uyo ulwinji tukumulola kuuti ali nu mute uwa kuvhomba imbombo. Ali nu mute nkaani kuluusya ku vhwandilo, mwe pe akuvhasuuvhila nkaani imwe.

VaGalati 1:7

poosye she te Lizwi iLyinza inga hansi. Nalyoli avhantu ivho vhakuvhatamwa imwe, havhili vhakwanza kwandula Izwi iLyinza ilya Chilisiti.

VaGalati 2:4

poosye inga vháliipo avhiitisi avhanji avha ilenga vhe vhahanzaga kuuti atahiililwe. Avhantu ivho vháyinjiziizye ku vhushevu kuvhupenza uvhusatushe vhwitu vhwe tupeliilwe nu Chilisiti uYeesu, inga vhatuvhiishe mu vhuzya uvhwa kulandata indajizyo izya Vhayuuda.

VaGalati 2:6

Ileelo avhalongozi vhaala avha shivhanza, vhe vhakushindikwa na vhantu, vhatáamile ni zinji injeni izya kumbuuzya. Nalyoli vhahashindikwaga nkaani, ileelo kuli ine izyo te shintu naashimo, mwe pe uMulungu atakwenya uvhumwamu uvhwa muntu lwe akumulonga.

VaGalati 3:1

Mwe Vhagalaatiya, nalyoli mwe vhapukupuuku! Wu naanu we avhalozile? Návhalumbiliiye imwe, niimwe muhamanya ahinza inongwa izya Yeesu Chilisiti, vwe vhámuhomeleeye pa shihovhenkanyo.

VaGalati 4:11

Kulandatana niizyo, nkwogopa kuuti, imbombo ye mbayimbiiye imwe, yitahinze yivhe ya vhweleele!

VaGalati 4:17

Avhantu avhanji ivho vhakukanyila, inga vhavhaaje imwe, ileelo zye vhakwanza te nyinza. Vhakwanza vhavhalehaanye imwe niine, inga muvhashindihaje avheene.

VaGalati 4:20

Indi nu mwoyo nkaani uwa kuvha pooka niimwe ahavhaliilizyo iha, inga mbavhuuzye ku hayanjile he mungaamanya ahinza zye nkuvhavhuuzya. Lwe indi ukutali, indi na maganigani kuuti zye nkuyanga mutangazimanya ahinza.

VaGalati 5:12

Nkusungwa kuuti avhantu ivho vhe vhakuvhapuvwa kuzya kutahiililwa, vhajendeelele poosye nu kuyipaasa!

VaGalati 5:7

Ku vhwandilo mwajendelelaga ahinza kumulandata uChilisiti! Ishi wu naanu we avhadinda kuvhulandata uvhwanalyoli?

VaGalati 6:17

Ishi, nuumo atahantamwe havhili, mwe pe indi na mavhamba mu muvhili waane, inza vwe uYeesu áamile nago.

Filipi 3:15

Ishi iswe twe tusimfile mu lwitiho, tusiivhaje ziniizyo. Poosye inga mukusiivha izinji ku nongwa yonti, yoope iyo uMulungu alivhalolesezya apazelu.

2 VaTesaloniki 3:4

Woope akuutupa ulusuuvhilo ulupiti kuuti, ishi mukuvhomba ziila zye tukuvhalajizya, havhili kwe mujendeelele kuzivhomba.

1 Timoti 1:20

Muli ivho aliipo uHimenaayo nu Alekizanda, avhenevho imulesheeye uSeetano, inga vhasambiilile, vhaleshe kumusaamula uMulungu.

Filemoni 1:21

Nkukusimbila ukalaata uno, mwe pe imanyile kuuti kwe uzishindishe ziila zye nakulaavha. Havhili imanyile kuuti kwe uvhombe kuluusya niizyo.