VaGalati 5:1 - ULufingwi uLupwa

¹ UChilisiti atusatuuye, inga tuvhe twe vhasatushe. Ishi musimpe ku maha, mutahiitishe kuvha mwe vhazya avha ndajizyo havhili.

Tesitamenti Umupwa 1965

¹ ShʼuChilisiti atutavuzizye ukuti tuve swe vatavushe. Musimpaje lelo ukuti mutahakungwe havili mwikoli lya vuzya.

VaGalati 5:1 ပူးပေါင်းရင်းမြစ်များ

Matayi 23:4

Avheene vhakupinya amaligo amamwamu nu kuvhavhegazya avhantu mu vipungo vwavho, ileelo avheene vhatakwanza kugolosya poosye nga lusamba ulwa nyoovhe zyavho kuvhaavwa kuvhegala.

uLuuka 5:38

Idivaayi impwa yikwanzilwa kuyivhiiha mu mafuuku amapwa.

iMbombo izya Vhatumwa 15:10

Ileelo imwe mukuvhavhegazya avhalandati umuligo, we avhataata vhiitu niiswe tutávhweziizye kuwuvhegala. Isho kwe kumulinga uMulungu!

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

VaLoma 6:18

Musatuliilwe kufuma mu vhuzya uvhwa vhutalamalandu, muvhisiilwe kuvha mwe vhazya avha vhugolosu.

VaLoma 7:3

Ileelo inga ayiimalwa nu mwanaavuli uwunji she umulume waakwe ali she akulandila, umwantanda uyo akuvha muvhembu. Ileelo inga umulume waakwe aafwa, ululajizyo ulwo lutakumukunga havhili, inga ayiimalwa nu mwanaavuli uwunji atakuvha muvhembu.

VaLoma 7:6

Ileelo ishi tufuuye pooka nu Chilisiti, kwe kuuti tusatuliilwe kufuma mu ndajizyo. Ahavhaliilizyo iha tutakumuvhombela uMulungu kwi idala ilya hali ilya kulandata indajizyo zye zyásimviilwe, nkandi kwi idala ipwa ilya kulongolwa nu Mupepo uMufinjile.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

1 VaKolinti 16:13

Muvhanje minso nu kusimpa mu lwitiho, havhili mutavhanje ni lyoga, nkandi muvhanje mwe vhadandamazu.

1 VaKolinti 7:22

Nkuyanga vhwevhulo, mwe pe umuntu we áamile muzya lwe uMwene uYeesu akumwita, uyo musatushe kwa Mwene uYeesu. Woope we áamile musatushe lwe uMwene akumwita, uyo muzya uwa Chilisiti.

2 VaKolinti 11:20

Yeenya, mukumujimbiilila nu kumwitiha poosye umuntu we akuvhavhiiha mu vhuzya nu kuvhiivhila nu kugoma ivintu vwinyu nu kuyitumvwa nu kuvhaliga nu kuvhahoma ku minso.

2 VaKolinti 3:17

Yeenya, uMwene we wu Mupepo, pe pali uMupepo uwa Mwene pali uvhusatushe.

VaGalati 2:4

poosye inga vháliipo avhiitisi avhanji avha ilenga vhe vhahanzaga kuuti atahiililwe. Avhantu ivho vháyinjiziizye ku vhushevu kuvhupenza uvhusatushe vhwitu vhwe tupeliilwe nu Chilisiti uYeesu, inga vhatuvhiishe mu vhuzya uvhwa kulandata indajizyo izya Vhayuuda.

VaGalati 3:25

Ileelo, mwe pe ulwitiho luula lufisile, iswe tutakulongolwa havhili ni ndajizyo zye zili ngati musunzi.

VaGalati 4:26

Ileelo ulwamwavho luholiine nu Saala we ali inza inkaaya iya Yelusaleemu iya ku mwanya. Inkaaya iyo, nsatushe, havhili ye nkaaya yiitu.

VaGalati 4:31

Vwe zili vhamwitu, iswe te swe vhaana avha muzya, swe vha maayi wiitu umusatushe.

VaGalati 4:9

Ileelo ishi, mumumanyile uMulungu, kwe kuuti woope avhamanyile imwe. Pe mungagaluha inza vhuli, mu maata ge gatali na maha, havhili gatangaavwa naashimo? Vhuli, mukwanza muvhe mwe vhazya avha maata iga havhili?

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaEfeso 6:14

Mukwanzilwa kuyisengaanya inza ishi, kutumvanya nu Mukwalanzi. Inza vwe umusikaali akuyipinya ni ilamba mu musana, kuyisengaanya kulwa, niimwe mulandataje uvhwanalyoli uvhwa Mulungu, inga vhuvhavwaje. Havhili inza vwe umusikaali akuzwala inkwela ku shifuvha, inga ayidinde nu vhwele ni mpalala, niimwe mukwanzilwa muvhanje nu lujendo ulugolosu, inga muyidinde nu Mukwalanzi.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

1 VaTesaloniki 3:8

Ishi tukulandila, mwe pe imwe musimfile mwa Mwene uYeesu.

2 VaTesaloniki 2:15

Ishi vhamwitu, musimpe nu kulema insambiilizyo zye mwáposheleeye kutuushila mu mazwi giitu ge twálumbiliiye, poosye ge twávhasimbiiye mwi ikalaata lyitu.

VaHebuli 10:23

Ishi pe tulemeelele nziila ulwitiho ulwo lwe tukulwitiha, mwe pe uweene we áfinzile mutungamu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

1 Peteli 2:16

Imwe mwe vhasatushe, ileelo mutavhuvhombelaje uvhusatushe uvhwo kuvhomba imbiivhi, nkandi mulandilaje inza vwe avhavhomvi avha Mulungu vhakwanzilwa kulandila.

2 Peteli 2:19

Vhakufinga kuuti kwe vhaavhape uvhusatushe avhiitisi avhayeyevhazu ivho, she avheene vhazya avha vhutalamalandu. Nkuyanga vhwevhulo, mwe pe umuntu akuvha muzya uwa shiila she shikumukonzya.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.

Ishitushizya 2:25

ileelo mulemaje nkaani she muli nasho, kufishila ahavhaliilizyo he ndiyinza.

Ishitushizya 3:3

Pe ishi, ukumbushe vwe wáposheleeye na vwe wívuuye, uzileme izyo nu kupinduha. Ileelo inga utavhuuha, ndiyinza kwi idala ilya kwitushizya inza umwivha, pe te uhaamanye ahavhaliilizyo he indiyinza kuli iwe.