VaGalati 4:8 - ULufingwi uLupwa

⁸ Hali, lwe mutámumanyile uMulungu, mwámile mwe vhazya avha vintu vwe te wu Mulungu.

Tesitamenti Umupwa 1965

⁸ Lulwo lwe mutamumanyilʼuMulungu pe muhagavombelagʼamalungu ge gatapezilwʼukuva malungu.

VaGalati 4:8 ပူးပေါင်းရင်းမြစ်များ

Yohani 1:10

UIzwi áliipo mu nsi. UMulungu ápezile insi kutuushila kwa Izwi uyo, ileelo poosye vhwevhulo avhantu avha mu nsi vhatámumanyile.

iMbombo izya Vhatumwa 14:12

Vhahaavhapa amazina aga vhalungu vhaavho. UBalinaaba vhahati wu Zeewu, uPaavhuli vhahaamupa izina ilya Heelime, mwe pe we ahayangaga nkaani.

iMbombo izya Vhatumwa 17:23

Lwe nkutuuha mu nkaaya ino, mvivhwenyi iviholanyo vwe mukuvipuuta. Havhili nshivhwenyi ishifinjilo isha kufumwizya impuutile she shisimviilwe amazwi ge gakuti: KWA MULUNGU WE ATAMANYISILE. Ishi, uMulungu uyo, we mukumupuuta ishisita kumumanya, we nkwanza kuvhalumbiilila.

VaLoma 1:23

Vhahaleha kumupuuta uMulungu uwa shiima, vhahavha vhakuvipuuta iviholanyo vwe viholiine na vhantu ni nyunyi ni nkanu na vwe vikukwesuha pansi, ivwo vwonti vwe vikufwa.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

1 VaKolinti 12:2

Mumanyile kuuti lwe mwáli te mwe vhiitisi, mwáhopeliilwe nu kulongolwa kupuuta iviholanyo vwe vitakuyanga.

1 VaKolinti 8:4

Ishi izya kulya ishaakulya she vhafumwizye ku viholanyo, tumanyile kuuti iviholanyo ivwo vitali ni mbombo naayimo mu nsi umu. Havhili tumanyile kuuti aliipo uMulungu wooka vhweleele.

VaGalati 4:3

Niiswe vhwevhulo, lwe ashiili kwinza uChilisiti, twáli twe vhazya avha maata ge gakuvhalongola avhantu mu nsi.

VaEfeso 4:18

Havhili vha mu shiisi, vhatamanyile uvhwanalyoli uvhwa Mulungu. Avhantu ivho vhali ukutali nu vhulanzi vhwe uMulungu akuuvhapa avhantu vhaakwe, mwe pe vhatamanyile amadala gaakwe, kufumiilana nu vhugomu uvhwa mooyo gaavho.

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

1 VaTesaloniki 4:5

Mutahiime ni mpapilo imbiivhi inza avhantu avha kunzi vhe vhatamumanyile uMulungu.

2 VaTesaloniki 1:8

Uweene we alivhasunda vhonti vhe vhakumuhaana uMulungu, na vhe vhatakulishindiha Izwi iLyinza ilya Mwene wiitu uYeesu.

1 Peteli 4:3

Nkuyanga vhwevhulo, mwe pe hali ahavhaliilizyo honti mu vhulanzi vhwinyu muhavhombaga zye avhantu vhe vhatamwitisile uMulungu vhakusungwa kuvhomba. Ahavhaliilizyo iho muhavhombaga uvhumalaaya nu kulandata impapilo imbiivhi nu vhwashimwela nu vhupafu nu kuvha ni vikulukuulu ivwa kumwela nu kupuuta iviholanyo.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.