VaGalati 4:6 - ULufingwi uLupwa

⁶ Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

Tesitamenti Umupwa 1965

⁶ Shinishi lelo she mwe vanavana, pʼuMulungu atutumiye uMupepo wa Mwana wakwe mumoyo gitu, wʼakuvilishila akuti: Aha, lye likuti Tata.

VaGalati 4:6 ပူးပေါင်းရင်းမြစ်များ

Maliko 14:36

Ahati, “Taata, ku kwaho zyonti zikuvhombeha, nkukulaavha kuuti uneefwezye amayimba iga. Ileelo te vwe nkasiime ine, nkandi vwe ukasiime weewe.”

uLuuka 11:13

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa uMupepo uMufinjile vhaala vhe vhakumulaavha!”

uLuuka 11:2

UYeesu ahavhavhuuzya ahati, “Lwe mukumulaavha uMulungu, mutinji: Taata wiitu uwa ku mwanya, izina lyaho lishindikwaje. Uvhumwene vhwaho vhwinze. Zye ukasiime, zivhombeshe mu nsi umu, inza vwe zikuvhombeha ku mwanya ukwo.

Yohani 14:16

Pe niine kwe imulaavhe uTaata kuuti aavhape uMutuuli uwamwavho, havhili uyo, kuuti avhe pooka niimwe shiima.

Yohani 15:26

“Nkumutuma uMutuuli we wu Mupepo uMufinjile uwa kuvhalolesya avhantu vhonti uvhwanalyoli. Akufuma kwa Taata, havhili lwe aafiha kuli imwe, alivhahomeshezya uvhwanalyoli vhwane.

Yohani 16:7

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe.

Yohani 3:34

mwe pe uMulungu ámusonteleziizye uYeesu kuyanga amazwi aga Mulungu. UMulungu ámupiiye uYeesu uMupepo uMufinjile ishisita ishipimo.

Yohani 7:39

UYeesu ahayangaga inongwa izya Mupepo uMufinjile we pisinda, avhiitisi vhonti avha Yeesu vhámuposheleeye. Ahavhaliilizyo iho, uMulungu ápezile ashiili kuvhatumila uMupepo uMufinjile, mwe pe uMulungu ápezile ashiili kulolesya apazelu uvhushindamu uvhwa Yeesu.

iMbombo izya Vhatumwa 16:7

Lwe vhaafiha mu nshinji iya nsi iya Miisiya, vhahanzaga kwinjila mu shigavho isha nsi isha Bitiniya, ileelo uMupepo uwa Yeesu ahavhahaana.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

VaLoma 8:9

Ileelo imwe mutakulongolwa nu vhuntu uvhwa vhutalamalandu, mukulongolwa nu Mupepo uMufinjile, inga nalyoli uMupepo uwa Mulungu akulandila muli imwe. Ileelo umuntu we atali nu Mupepo uwa Chilisiti, uyo te wa Chilisiti.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

2 VaKolinti 3:17

Yeenya, uMwene we wu Mupepo, pe pali uMupepo uwa Mwene pali uvhusatushe.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Filipi 1:19

mwe pe imanyile kuuti, izyo zye zinaazile ziligalunkana kuvha vhuposhi kuli ine, mwe pe mukundaavhila, havhili, mwe pe uMupepo uwa Yeesu Chilisiti akunaavwa.

1 VaTesaloniki 4:8

Pe umuntu wonti we akuhaana insambiilizyo izi, atakumuhaana muntu, akumuhaana wu Mulungu, we akuuvhapa imwe uMupepo waakwe uMufinjile.

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.

uYuuda 1:20

Ileelo imwe vhankundwa, muyizenje mu lwitiho lwinyu ulufinjile nkaani nu kulaavha ku maha aga Mupepo uMufinjile.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”