VaGalati 4:26 - ULufingwi uLupwa

²⁶ Ileelo ulwamwavho luholiine nu Saala we ali inza inkaaya iya Yelusaleemu iya ku mwanya. Inkaaya iyo, nsatushe, havhili ye nkaaya yiitu.

Tesitamenti Umupwa 1965

²⁶ NkandʼuwenʼuYelusalemu wa kumwanya we musatushe, we wʼumayi witu.

VaGalati 4:26 ပူးပေါင်းရင်းမြစ်များ

Yohani 8:36

Ishi inga ine ne Mwana wa Mulungu navhavhiiha kuvha mwe vhasatushe ku vhutalamalandu vhwinyu, te muvhe mwe vhazya havhili, nkandi nalyoli kwe muvhe mwe vhasatushe.

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

VaLoma 6:18

Musatuliilwe kufuma mu vhuzya uvhwa vhutalamalandu, muvhisiilwe kuvha mwe vhazya avha vhugolosu.

VaGalati 4:22

Yisimviilwe mu Vhusimbe uVhufinjile kuuti, uAabulahamu áamile na vhaana vhavhili, wooka kwa mwantanda we áamile muzya we vhahatinji uHaajili, uwamwavho kwa mwantanda we áamile musatushe we vhahatinji uSaala.

VaGalati 4:25

UHaajili ali inza igamba uSinaayi lye lili ku Alaabiya, havhili ali inza inkaaya iya Yelusaleemu ye yili mu nsi, mwe pe avhantu avha mu nkaaya iyo vhali mu vhuzya uvhwa ndajizyo zye vhápeliilwe pi igamba uSinaayi.

VaGalati 5:1

UChilisiti atusatuuye, inga tuvhe twe vhasatushe. Ishi musimpe ku maha, mutahiitishe kuvha mwe vhazya avha ndajizyo havhili.

Filipi 3:20

Ileelo iswe ku kwitu kwe ku mwanya. Pe kufuma ukwo tukumuguliilila ku mwoyo uMuposhi wiitu, uMwene uYeesu Chilisiti.

VaHebuli 12:22

Ileelo imwe mwafiha pi igamba uSayuuni, pa nkaaya iya Yelusaleemu iya ku mwanya. Inkaaya iyo nkaaya iya Mulungu uMulanzi. Apenepo, vhavhungiine ku luseshelo avhahavhizya amashumi na mashumi.

1 Peteli 2:16

Imwe mwe vhasatushe, ileelo mutavhuvhombelaje uvhusatushe uvhwo kuvhomba imbiivhi, nkandi mulandilaje inza vwe avhavhomvi avha Mulungu vhakwanzilwa kulandila.

Ishitushizya 12:1

Pisinda, nkalola ishilolesyo ishipiti ku mwanya: Umwantanda we ázwaye izuvha, nu mwezi wáamile pa vinama vwakwe, havhili pi itwe lyakwe ázwaye ishipambwi isha kukonzezya isha nzota 12.

Ishitushizya 17:5

Ásimviilwe pa sheeni shaakwe izina ilya vhuzigizigi ilya kuuti, ubabeeli umupiti, umaayi uwa vhamalaaya nu wa mbombo zye zikuviisya izya mu nsi.

Ishitushizya 21:2

Nkalola iNkaaya iMfinjile, iYelusaleemu impwa, yikwiha kufuma ku mwanya kwa Mulungu. Inkaaya iyo yáali ngati mwantanda we avhantu vhamuyemvwizye lwe akwimalwa.

Ishitushizya 3:12

Ula we alipoota indingo, ndimuvhiiha kuvha lupanda mu Nyumba iMfinjile iya Mulungu waane, te ahaafume umwo naalumo. Kuli uyo, ndisimba izina ilya Mulungu waane ni izina ilya nkaaya iya Mulungu waane. Inkaaya iyo Yelusaleemu impwa ye yikwiha kufuma ku mwanya kwa Mulungu waane. Havhili kuli uyo ndisimba izina lyane neneene, liila lye lipwa.