VaGalati 4:19 - ULufingwi uLupwa

¹⁹ Vhaana vhaane, inza vwe umwantanda we ali pa vhumwamu akuyiivwa uvhuvhaavi lwe ahavhaliilizyo aha kupaapa haafiha, vwe zyáli niine. Niishi indi she nkuyiivwa uvhuvhaavi nkaani ku zyinyu. Kwe njendeelele kuyiivwa uvhuvhaavi kufishila lwe ulujendo ulwa Chilisiti lwaloleha mu lujendo lwinyu.

Tesitamenti Umupwa 1965

¹⁹ Mwe vana vane, nkuvuyizya havili ukuva muvuhamantanilwa ukwinzʼukufiha pupo lwengʼuChilisiti apelwa muhati zyinyu,

VaGalati 4:19 ပူးပေါင်းရင်းမြစ်များ

uLuuka 22:44

Ileelo uYeesu ahonjezya kulaavha, mwe pe áamile nu vhuvhaavi nkaani. Lwe akulaavha, amatwinsi ge gáali inza amavhanda ge gahazwilaga pansi.

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

2 VaKolinti 12:14

Ishi nkuyisengaanya kwinza kuli imwe ulwa vhutatu, ileelo te ninze imbatamwe kuuti munaavwe. Ntakwanza ivintu vwinyu, nkandi nkuvhanza imwe. Nkuyanga vhwevhulo, mwe pe avhaana vhatakwanzilwa kusengula ivintu, inga vivhe vwa vhapaafi, nkandi avhapaafi vhe vhakwanzilwa kusengula ivintu, inga vivhe vwa vhaana.

VaEfeso 4:13

Ishivhanza shizengwe, kufishila pe ulwitiho lwitu swenti lwavha lwoka na pe twamumanya uMwana wa Mulungu, kwe kuuti, kufishila pe twakula nu kugoma nu kuvhufishila uvhulunjisu uvhupiti inza uvhwa Chilisiti.

VaEfeso 4:24

Muzwale amooyo amapwa, ge gápeziilwe ku shiholanyo isha Mulungu. Gaholiine nawo mu vhugolosu na mu vhufinjile uvhwa nalyoli.

Filipi 1:8

UMulungu amanyile kuuti, zye nkuyanga zya nalyoli lwe nkuhomeelezya kuuti, ku shikunzi isha Chilisiti uYeesu, nsamvile nkaani kuvhalola.

Filipi 2:17

Inga vhangangoga, kwe mbe inza impuutile iya divaayi ye yikupungulwa kwonjeelezya impuutile yiinyu. Impuutile yiinyu iyo, mbombo ye mukumuvhombela uMwene. Ileelo poosye inga nkufwa, nkuseshela nkaani, havhili nkuseshela nu kudovhela pooka niimwe.

Filipi 2:5

Muvhe ni nsiivho ziila, zye áali nazyo uChilisiti uYeesu.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 2:1

Nkwanza mumanye kuuti, nkuyikungula ku maha gonti kuvhaavwa imwe na vhiitisi avha ku Lawodikiya na vhanji vhonti vhe tutahalolana naalumo.

Kolosi 3:10

Muzwaye amooyo amapwa ge uMulungu akujendeelela kugapela kuvha mapwa, inga mwonjele kumumanya, mwe pe avhapezile kuuti muholane nawo.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 VaTesaloniki 2:7

Twámile twe vhatonsu kuli imwe, inza umwantanda lwe akusunga avhaana vhaakwe.

1 Timoti 1:2

Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

uTiiti 1:4

Nkukusimbila izi iwe Tiiti, we mwana waane mu lwitiho lwe tuli nalwo pooka niiwe. UTaata uMulungu nu Muposhi wiitu uChilisiti uYeesu vhakufwilaje uvhwila, nu kuukupa uvhutehamu.

Filemoni 1:10

nkukulambiilizya kuzya mwana waane uOniseemu. Ahavhaliilizyo he nkunziilwe ipa na manyoloolo, avha mwana waane mu lwitiho.

Filemoni 1:19

Ine ne Paavhuli nkusimba izi neneene ni nyoovhe yaane, kuuti ine kwe nkulipe. Pooka niizyo, yitahondeeye kuuti nkukumbusye, iwe umanyile kuuti uli nu mulandu kuli ine uwa vhulanzi vhwaho.

VaHebuli 5:7

Lwe uYeesu ali mu nsi umu, ahamulaavhaga uMulungu nu kukuuta nkaani na mansozi, mwe pe ámanyile kuuti uMulungu ali na maha aga kumupoha ku vhufwe. Woope uMulungu ahiitiha impuuto zyakwe, mwe pe uYeesu ahamushindihaga.

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

1 Yohani 2:1

Mwe vhaana vhaane, nkuvhasimbila inongwa izi, inga mutavhombaje uvhutalamalandu. Ileelo poosye inga umuntu wonti muli imwe avhomba uvhutalamalandu, tuli nawo we akutulaavhila kwa Taata uMulungu, uyo wu Yeesu Chilisiti. Uweene mugolosu.

1 Yohani 2:12

Nkuvhasimbila imwe mwe vhaana, mwe pe muswililiilwe uvhutalamalandu vhwinyu kutuushila kwa Yeesu Chilisiti.

1 Yohani 5:21

Mwe vhaana vhaane, muvhe minso, mutapuutaje avhalungu.

3 Yohani 1:4

Shitaliipo ishintu she shikumpa uluseshelo ulupiti nkaani kuluusya isha kwivwa kuuti avhaana vhaane vhakujendeelela kulandila mu vhwanalyoli.