VaGalati 4:14 - ULufingwi uLupwa

¹⁴ Poosye vhwevhulo, ahavhaliilizyo iho mutánsufwizye, poosye kunkaana kuzya vhuyeyevhazu vhwane, poosye she zyáli ndingo kuli imwe. Ileelo mwámposheleeye ngati mukumuposheela wu havhizya uwa Mulungu, poosye ngati mukumuposheela wu Chilisiti uYeesu.

Tesitamenti Umupwa 1965

¹⁴ Mulumanyile lwope nululingo lwe luhavalingaga mumuvili wane. Muhasitʼukunsamula nukunswilʼamati. Muhamposhela fwe ngati ne havizya wa Mulungu, havili fwe ngati ne Chilisiti Yesu.

VaGalati 4:14 ပူးပေါင်းရင်းမြစ်များ

Matayi 10:40

“Umuntu wonti we akuvhaposheela imwe, akumposheela neene. Woope we akumposheela ine, akuvha akumuposheela ula we antumiliziizye.

Matayi 18:5

Havhili, umuntu wonti we akumuposheela umwana umunsi inza uno kwi izina lyane, akumposheela neene.”

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

uLuuka 10:16

UYeesu ahavhavhuuzya avhasundikwa vhaakwe ahati, “Umuntu we akuvhiivwa imwe, akuniivwa neene, woope we akuvhahaana imwe, akunkaana neene. Havhili we akunkaana ine, akumuhaana ula we antumiliziizye.”

Yohani 13:20

Nalyoli nkuvhavhuuzya kuuti, umuntu wonti we akumuposheela we imutumiliziizye, akumposheela neene, woope we akumposheela ine, akumuposheela we antumiliziizye.”

1 VaKolinti 1:28

UMulungu ávhasavhuuye avhantu avha pa nsi vhe avhantu vhahavhasuufwa, vhe vhakuloleha ngati te vhantu, inga alolesye kuuti avhantu vhe vhakuloleha kuuti vhasuuvhilwa nkaani, vhatali ni ilonka naalimo ku kwakwe.

1 VaKolinti 4:10

Avhantu vhakutulola iswe twe vhalangani, mwe pe tukumuvhombela uChilisiti, ileelo imwe mukuyilola muli nu vhushindamu uvhwa njeele mwa Chilisiti. Iswe tukuloleha twe vhayeyevhazu, ileelo imwe mukuloleha muli na maha. Iswe vhakutusuufwa, ileelo imwe vhakuvhashindiha.

2 VaKolinti 5:20

Ishi, uChilisiti atusonteleziizye kuvhomba imbombo yaakwe, nu kutuushila kuli iswe, uMulungu akuvhalambiilizya kukundana nu weene. Ye nongwa tukuvhalaavha mwa Chilisiti kuuti mukundane nu weene.

VaGalati 3:26

Kwi idala ilya lwitiho, imwe mwenti mwe vhaana vha Mulungu, mwe pe musopenkiine nu Chilisiti uYeesu.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

VaGalati 4:13

Mumanyile kuuti uvhuvhinu vhwe náamile navhwo, vhwe vhwámpeleeye kuvha na havhaliilizyo aha kulumbiilila Izwi iLyinza kuli imwe ulwa kwanda.

VaGalati 4:15

Mwámile nu luseshelo, ishi shintu vhuli she shivhaazile? Nkuyanga zya nalyoli, ahavhaliilizyo haala, nkandi mwítisile poosye nu kufwonkola aminso giinyu nu kumpa ine.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

1 VaTesaloniki 4:8

Pe umuntu wonti we akuhaana insambiilizyo izi, atakumuhaana muntu, akumuhaana wu Mulungu, we akuuvhapa imwe uMupepo waakwe uMufinjile.

VaHebuli 13:2

Havhili mujendeelele kuvhaposheela avhajeni mu nyumba zyinyu, mwe pe kwi idala ilyo, vhamo vhávhaposheleeye avhahavhizya ishisita kumanya.