VaGalati 4:13 - ULufingwi uLupwa

¹³ Mumanyile kuuti uvhuvhinu vhwe náamile navhwo, vhwe vhwámpeleeye kuvha na havhaliilizyo aha kulumbiilila Izwi iLyinza kuli imwe ulwa kwanda.

Tesitamenti Umupwa 1965

¹³ Mumanyile ukuti ulutanzi lula nkavavuzyagʼintumʼinyinza she nayeyevayʼumuvili.

VaGalati 4:13 ပူးပေါင်းရင်းမြစ်များ

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

iMbombo izya Vhatumwa 16:6

UMupepo uMufinjile ávhahaanile avha Paavhuli na vhamwavho kuuti, vhatahalumbiilile izwi ilya Mwene uYeesu mu shigavho isha nsi isha Aasiya. Pe vhahatuuha mu nsi iya Fuligiya, ni ya Galaatiya.

1 VaKolinti 2:3

Ahavhaliilizyo iho, náali ne muyeyevhazu, náali ni lyoga, havhili nkatetemaga nkaani.

2 VaKolinti 10:10

Nkuyanga vhwevhulo, mwe pe vhamo vhakuti, “Avhakalaata avha Paavhuli vhali na mazwi amahali, havhili vhali na mazwi amamwamu. Ileelo lwe ali pooka niiswe atakuvha na maha, havhili amazwi gaakwe gakulolesya gatali nu vhumwamu.”

2 VaKolinti 11:30

Inga yikwanzilwa kuyitumvwa, nkuyitumvwa ku vhuyeyevhazu vhwane.

2 VaKolinti 11:6

Poosye inga nkuloleha ntakuyanga ahinza, uvhumanyi vhwane vhupiti. Tulolesiizye ilyo kuli imwe ahavhaliilizyo honti ni mbazu zyonti.

2 VaKolinti 13:4

Poosye she uChilisiti áali muyeyevhazu lwe akuhomeelwa pa shihovhenkanyo nu kufwa, ishi mulanzi ku maha aga Mulungu. Vhwevhulo, niiswe ishi twe vhayeyevhazu inza vwe uChilisiti áali, poosye vhwevhulo tuliivha twe vhalanzi ku maha aga Mulungu, inza vwe uChilisiti ali.

VaGalati 1:6

Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

VaGalati 4:12

Vhamwitu, nkuvhalaavha muvhe inza ine, mwe pe ine te ne muzya uwa ndajizyo. Ine indi inza imwe vwe mwámile ku vhwandilo, mutáamile mwe vhazya avha ndajizyo. Lwe náali pooka niimwe, mutámbombeeye uvhuvhiivhi naavhumo.

VaGalati 4:14

Poosye vhwevhulo, ahavhaliilizyo iho mutánsufwizye, poosye kunkaana kuzya vhuyeyevhazu vhwane, poosye she zyáli ndingo kuli imwe. Ileelo mwámposheleeye ngati mukumuposheela wu havhizya uwa Mulungu, poosye ngati mukumuposheela wu Chilisiti uYeesu.

VaGalati 4:18

Hinza shiima kuvha nu mute kuvhomba inyinza, kutavhanje vhweleele lwe indi pooka niimwe.