VaGalati 4:12 - ULufingwi uLupwa

¹² Vhamwitu, nkuvhalaavha muvhe inza ine, mwe pe ine te ne muzya uwa ndajizyo. Ine indi inza imwe vwe mwámile ku vhwandilo, mutáamile mwe vhazya avha ndajizyo. Lwe náali pooka niimwe, mutámbombeeye uvhuvhiivhi naavhumo.

Tesitamenti Umupwa 1965

¹² Nkuvalambilizyʼimwe, mwe vamwitu, ukuti muvanje fwe nene, inza she nane ndi fwe mwemwe. She mutandizilʼine.

VaGalati 4:12 ပူးပေါင်းရင်းမြစ်များ

iMbombo izya Vhatumwa 21:21

Ishi vhivuuye kuuti, ukuvhasambiilizya aVhayuuda vhonti vhe vhakutendama mu nsi izinji izya vhe te Vhayuuda kuuti, vhatasajilaje indajizyo izya Moose. Vhivuuye kuuti, ukuvhavhuuzya kuuti vhatavhatahiilaje avhaana vhaavho, havhili vhatalandataje amaata aga Vhayuuda.

2 VaKolinti 2:5

Ishi inga umuntu wumo ampeleeye uvhuswimiilizu, atampeleeye uvhuswimiilizu neneene vhweleele, nkandi niimwe mwenti. Ileelo ilyo ntakwanza kulivhiiha kuuti livhe ntamwo nkaani.

2 VaKolinti 6:11

Imwe Vhakolinto, tuyanzile niimwe ishisita kuzyiha naashimo, havhili tuyanzile ku shikunzi ishipiti.

2 VaKolinti 6:13

Ishi nkuyanga niimwe inza vwe nkuyanga na vhaana vhaane, muvhe ni shikunzi ishipiti, inza vwe tuli iswe.

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 4:11

Kulandatana niizyo, nkwogopa kuuti, imbombo ye mbayimbiiye imwe, yitahinze yivhe ya vhweleele!

VaGalati 4:13

Mumanyile kuuti uvhuvhinu vhwe náamile navhwo, vhwe vhwámpeleeye kuvha na havhaliilizyo aha kulumbiilila Izwi iLyinza kuli imwe ulwa kwanda.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

VaGalati 6:18

Vhamwitu, uMwene wiitu uYeesu Chilisiti avhafwilaje uvhwila. Amina.