VaGalati 3:9 - ULufingwi uLupwa

⁹ Pe vhaala vhe vhakumwitiha uMulungu vhakulootwa, inza uAabulahamu we ámwitisile.

Tesitamenti Umupwa 1965

⁹ Pe lelo vonti venga vali mulwitiho ve valilotwa poka nuAbulahamu umwitisi.

VaGalati 3:9 ပူးပေါင်းရင်းမြစ်များ

VaLoma 4:11

Kutahiililwa kwakwe sháali shilolesyo ku kwakwe isha kumulolesya kuuti uMulungu ámuvhaziizye kuuti mugolosu kufumiilana nu lwitiho, lwe áamile nalwo lwe ashiili kutahiililwa. Kwi idala ilyo, uAabulahamu wu taata waavho vhonti vhe vhakwitiha, poosye she vhatatahiliilwe, inga vhoope vhavhaazilwe kuuti vhagolosu.

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

VaLoma 4:24

nkandi na kuli iswe swenti. Nalyoli gakutuvhuuzya kuuti, inga twamwitiha uMulungu, we ámuzyusiizye uMwene wiitu uYeesu, pe niiswe vhweleele tulivhaazilwa kuuti swe vhagolosu.

VaGalati 3:14

Izi zyávhombesile, inga uvhuloote vhwe ápeliilwe uAabulahamu, vhuvhafishile vhe te Vhayuuda, kwi idala ilya Chilisiti uYeesu. Ishi tukuposheela uMupepo uMufinjile, we uMulungu áfinzile kuutupa kwi idala ilya kumwitiha uYeesu Chilisiti.

VaGalati 3:29

Ishi, mwe pe mwe vhantu vha Chilisiti, pe mwe vha mu mpaapo izya Aabulahamu, mulipwana vwe uMulungu áfinzile.

VaGalati 4:28

Pe ishi, vhamwitu, imwe mwe vhaana vha Mulungu kufumiilana nu lufingwi lwakwe, inza uYisaaka.