VaGalati 3:25 - ULufingwi uLupwa

²⁵ Ileelo, mwe pe ulwitiho luula lufisile, iswe tutakulongolwa havhili ni ndajizyo zye zili ngati musunzi.

Tesitamenti Umupwa 1965

²⁵ Shinishi lelo shʼulwitiho lwinzile, pe tute muṿinama ṿwa nsundavana havili.

VaGalati 3:25 ပူးပေါင်းရင်းမြစ်များ

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

VaLoma 7:4

Vhamwitu, vwe zili na kuli imwe. Inza vwe inga umuntu aafwa indajizyo zitakumukonzya, niimwe indajizyo izya Moose zitakuvhakonzya, mwe pe muli ngati mufuuye pooka nu Chilisiti pa shihovhenkanyo. Ishi imwe mwe vhantu vhaakwe we ázyusile, inga tuvhombaje imbombo inyinza zye zikumuhondezya uMulungu.

1 VaKolinti 4:15

Yeenya, poosye she muli na vhasambiilizi 10,000 mwa Chilisiti, ileelo utaata wiinyu ali wooka. Ine ne ne taata wiinyu mwa Chilisiti uYeesu, mwe pe ne náali ne mutanzi kulumbiilila Izwi iLyinza kuli imwe.

VaGalati 3:24

Pe ishi, indajizyo izyo zihatulongozyaga ngati musunzi wiitu, kufishila lwe uChilisiti ayinza, inga kwi idala ilya kumwitiha uweene, tuvhaazilwe kuuti twe vhagolosu.