VaGalati 3:24 - ULufingwi uLupwa

²⁴ Pe ishi, indajizyo izyo zihatulongozyaga ngati musunzi wiitu, kufishila lwe uChilisiti ayinza, inga kwi idala ilya kumwitiha uweene, tuvhaazilwe kuuti twe vhagolosu.

Tesitamenti Umupwa 1965

²⁴ Pʼinkomelezyo ziyipezilʼukuva nsundavana zya kutusundila kwa Chilisiti, swenti tutashilwajʼuvugolosu vwe vukufuma mulwitiho.

VaGalati 3:24 ပူးပေါင်းရင်းမြစ်များ

VaLoma 10:4

Yeenya, uChilisiti álunjisiizye zyonti zye zikwanzilwa mu ndajizyo, inga wonti we akumwitiha uweene avhazilwaje kuuti mugolosu.

VaLoma 9:30

Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

1 VaKolinti 4:15

Yeenya, poosye she muli na vhasambiilizi 10,000 mwa Chilisiti, ileelo utaata wiinyu ali wooka. Ine ne ne taata wiinyu mwa Chilisiti uYeesu, mwe pe ne náali ne mutanzi kulumbiilila Izwi iLyinza kuli imwe.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaGalati 2:19

Yeenya, nkazilandataga indajizyo izya Moose, ileelo ahavhaliilizyo iha, uvhulanzi vhwane uvhwa mu ndajizyo vhusizile, inga uvhulanzi vhwane vhuvhe mwa Mulungu.

VaGalati 3:25

Ileelo, mwe pe ulwitiho luula lufisile, iswe tutakulongolwa havhili ni ndajizyo zye zili ngati musunzi.

Kolosi 2:17

Amiiho igo, shiholanyo isha zye aVhayuuda vhásuvhiiye kuuti zikwinza. Ileelo izya nalyoli zikuloleha mwa Chilisiti.