VaGalati 3:20 - ULufingwi uLupwa

²⁰ We akukundanya akwanzilwa inga imbazu zivhili zikuvhiiha ulufingwi. Ileelo uMulungu ali wooka, poosye vhwevhulo, uweene ávhiisile ulufingwi nu Aabulahamu ishisita kuvha we akukundanya.

Tesitamenti Umupwa 1965

²⁰ Uwenʼumuhomenkanyi atakuva wa woka mwene, nkandʼuwenʼuMulungu wʼali woka mwene.

VaGalati 3:20 ပူးပေါင်းရင်းမြစ်များ

iMbombo izya Vhatumwa 12:20

UHeelodi ávhavitiliilwe nkaani avhantu avha mu nkaaya iya Tiilo, ni ya Siidoni. Pe avhantu avha mu nkaaya izyo vhahiima pooka kuuti vhasogole vhalolane nawo. Vhahivwana nu muntu wumo we vhahatinji uBulaasito, we ahimililaga inyumba iya mwene. Woope ahiima pooka navho. Vhahasogola kwa mwene, kulaavha kuuti kuvhe uvhutehamu, mwe pe inkaaya zyavho zihasuvhilaga ivwakulya kufuma mu nsi yaakwe.

VaGalati 3:17

Zye nkwanza kuyanga zye zino: UMulungu ávhiisile ulufingwi lwakwe amaaha 430, lwe indajizyo izya Moose zishiili kuvha. Kuli izyo, indajizyo izyo zitangeefwa ulufingwi ulwo kuuti lutahaavhe na maha.

1 Timoti 2:5

Tumanyile kuuti izyo zye zya nalyoli, mwe pe aliipo uMulungu wooka vhweleele, havhili kuli wooka we akuvhakundanya avhantu nu Mulungu, we muntu uChilisiti uYeesu.

VaHebuli 12:24

Mufisile kwa Yeesu we akuvhakundanya avhantu nu Mulungu mu lufingwi ulupwa. Amavhanda gaakwe ge gítisile pa shihovhenkanyo kuzya vhutalamalandu vhwitu te gakulanduzya inza aga Aabeli.

VaHebuli 8:6

Ileelo uChilisiti apeliilwe imbombo iya vhupuuti ye nyinza nkaani kuluusya iya vhapuuti aVhayuuda. Uweene we akuvhakundanya avhantu nu Mulungu ku lufingwi lwe lwinza kuluusya luula lwe avheene vhahaluvhombelaga. Havhili ulufingwi ulwo luzengwilwe pa lwalo ulwinza nkaani kuluusya ulufingwi luula ulwa hali.

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.