VaGalati 3:19 - ULufingwi uLupwa

¹⁹ Ishi indajizyo zili ni mbombo vhuli? Zyónjeziilwe mu lufingwi lwe ahavhaliilizyo ahatali hatuuha, kulolesya kuuti avhantu vhali nu vhutalamalandu, kufishila lwe ayinza umuntu ula uwa mu mpaapo izya Aabulahamu, we uMulungu áfinzile. UMulungu ámupiiye indajizyo uMoose kutuushila ku vhahavhizya, nu Moose ahavha pahati kuvhakundanya avhantu nu Mulungu.

Tesitamenti Umupwa 1965

¹⁹ Izyenʼinkomelezyo lelo zya shonu? Zye zihavikwa shʼinchilanyo zilipo. Zyali zya kuva pupo lwe lushilʼuluveyu uluhatalumfingwi. Izyenʼinkomelezyo zihimikwa mwe muvu-vomṿi vwa vahavizya, vazyimishiye mumuhono wa muhomenkanyi.

VaGalati 3:19 ပူးပေါင်းရင်းမြစ်များ

uLuuka 16:31

UAabulahamu ahamwamula ahati, ‘Inga vhatakuzyitiha zye zisimviilwe nu Moose na vhakuvhwi, poosye umuntu azyushe kufuma ku vhafwe, vhatangamwitiha.’”

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 15:22

Inga ntínzile nu kuyanga navho, nkandi vhatali nu vhutalamalandu. Ileelo ishi vhatangayiyanjila kuuti vhatali nu vhutalamalandu.

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.

iMbombo izya Vhatumwa 7:53

Poosye she imwe mwáposheleeye indajizyo izya Mulungu kutuushila kwa havhizya waakwe, ileelo mwáhaanile kuzishindiha.”

VaLoma 2:13

Vhalilongwa, mwe pe uMulungu atakumuvhaazya umuntu kuuti mugolosu kufumiilana nu kwivwa indajizyo izya Moose vhweleele, akumuvhaazya umuntu kuuti mugolosu, mwe pe akuvhomba zye indajizyo zikuyanga.

VaLoma 4:15

mwe pe indajizyo zikuleeta uvhuhalazu uvhwa Mulungu. Ileelo inga indajizyo zitaliipo, pe kutaliipo kushilanya indajizyo.

VaGalati 3:16

Ileelo uMulungu áfinzile kwa Aabulahamu utaata wiitu, uweene pooka nu muntu uwa mu mpaapo zyakwe. UVhusimbe uVhufinjile vhutakuti, “Na vhantu avha mu mpaapo zyakwe,” kwe kuuti avhantu avhinji, ileelo vhukuti, “Nu muntu uwa mu mpaapo zyakwe,” kwe kuuti ali wooka, uyo we wu Chilisiti.

VaHebuli 2:2

Yeenya, izwi lye avhahavhizya vhávhavhuziizye avhataata vhiitu lyánziliilwe kulilandata. Avhantu vhonti vhe vhálilesile nu kuhaana kulilandata vhápeliilwe isunde kulandatana ni mbiivhi zyavho.

VaHebuli 2:5

Tumanyile kuuti uMulungu atavhapiiye avhahavhizya amaha aga kuyikonzya insi impwa ye yikwinza, ye tukuyanga inongwa zyakwe.