VaGalati 3:1 - ULufingwi uLupwa

¹ Mwe Vhagalaatiya, nalyoli mwe vhapukupuuku! Wu naanu we avhalozile? Návhalumbiliiye imwe, niimwe muhamanya ahinza inongwa izya Yeesu Chilisiti, vwe vhámuhomeleeye pa shihovhenkanyo.

Tesitamenti Umupwa 1965

¹ Mwe vaGalati mwe vasitanjelʼimwe, unanu avelesile, imwe mwe twavasimbiye ishati sha Chilisiti ukuti mumwenyaje naminso ginyu umuhomelelwa pashihovenkanyo?

VaGalati 3:1 ပူးပေါင်းရင်းမြစ်များ

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 7:26

Ileelo umuntu we akutejeelezya amazwi gaane iga, ishisita kugalema, ali inza umuntu umupukupuuku we ázenzile inyumba yaakwe pa lusenga.

uLuuka 24:25

Uweene uYeesu ahavhavhuuzya ahati, “Imwe mwe vhapukupuuku! Shooni she amooyo giinyu magomu kwitiha zyonti zye avhakuvhwi vháyanzile?

iMbombo izya Vhatumwa 16:6

UMupepo uMufinjile ávhahaanile avha Paavhuli na vhamwavho kuuti, vhatahalumbiilile izwi ilya Mwene uYeesu mu shigavho isha nsi isha Aasiya. Pe vhahatuuha mu nsi iya Fuligiya, ni ya Galaatiya.

iMbombo izya Vhatumwa 6:7

Izwi ilya Mulungu lihajendeelela kukumuha mu vhantu, avhalandati avha Yeesu vhahonjelaga kuvha avhinji mu Yelusaleemu, na vhapuuti avhinji vhoope vhahamwitihaga uYeesu.

VaLoma 10:16

Poosye vhwevhulo, te kuuti aVhaisilayeeli vhonti vhályitisile Izwi iLyinza. Yeenya, umukuvhwi uYisaayi átili, “We MWENE Mulungu, wu naanu we áyitisile izwi lye twálumbiliiye?”

VaLoma 2:8

Ileelo vhe vhakupapamila na vhe vhakuhaana uvhwanalyoli, nkandi vhakwitiha kuvhomba imbiivhi, uMulungu alivhaviitilwa nu kuuvhapa isunde.

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

1 VaKolinti 11:26

Yeenya, lwe mukulya ikaati ili nu kumwelela ulupindi ulu, mukupela mukukumusya uvhufwe uvhwa Mwene uYeesu kufishila lwe aliyinza.

1 VaKolinti 2:2

Lwe náali kuli imwe námuuye mu mwoyo waane kuuti ntahayanje ishinji naashimo, nkandi zye nongwa izya Yeesu Chilisiti, inkaani kufwa kwakwe pa shihovhenkanyo.

2 VaKolinti 10:5

Tukunanganya amabaado ni zinji zyonti zye zikuvhadinda avhantu kuuti vhatamumanyaje uMulungu. Havhili tukuzigoma insiivho zyonti, inga zimushindihaje uChilisiti.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

VaGalati 1:2

Ine na vhamwitu vhonti vhe vhali pooka niine, tukuvhalamuha imwe, mwe vha mu vivhanza ivwa Mulungu ivwa mu shigavho isha nsi isha Galaatiya.

VaGalati 1:6

Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 3:3

Vhuli, imwe mwe vhapukupuuku inza vhwevhulo, kuuti mwátalisile zyonti ku maha aga Mupepo uMufinjile, ileelo ahavhaliilizyo iha mukwanza kumala ku maha aga muvhili?

VaGalati 4:9

Ileelo ishi, mumumanyile uMulungu, kwe kuuti woope avhamanyile imwe. Pe mungagaluha inza vhuli, mu maata ge gatali na maha, havhili gatangaavwa naashimo? Vhuli, mukwanza muvhe mwe vhazya avha maata iga havhili?

VaGalati 5:11

Vhamwitu, vhamo vhakuyanga vhakuti ine indi she nkukumusya kuuti, vhonti vhakwanzilwa kutahiililwa. Inga vwe nkuyanga vhwevhulo, shooni she indi she nkuyimvilwa? Inga vwe nkuyanga vhwevhulo, kukumusya kwane inongwa izya shihovhenkanyo isha Yeesu, nkandi kutakuvhaviisya.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

VaEfeso 5:15

Pe ishi, muvhanje minso vwe mukulandila, mutalandilaje inza avhapukupuuku, nkandi ku vhushindamu uvhwa njeele.

2 VaTesaloniki 1:8

Uweene we alivhasunda vhonti vhe vhakumuhaana uMulungu, na vhe vhatakulishindiha Izwi iLyinza ilya Mwene wiitu uYeesu.

1 Timoti 6:4

Avhantu ivho vhakuyitumvwa vhweleele, vhatazimanyile naazimo, vhakwanza kudalinkana shaaha ku mazwi aga kuyitumvwa. Uvhwo vhwe vhwandilo uvhwa vhantu kuvha nu mwone ni ivho ni ndigo nu kuvhasivhiilila havhiivhi avhamwavho

VaHebuli 11:8

Mwe pe uAabulahamu ámwitisile uMulungu, lwe uMulungu amuvhuuzya kuuti ayeepe mu nsi yaakwe nu kusogola mu nsi ye uMulungu áfinzile kuumupa, uAabulahamu áyeefile mu nsi iyo pooka nu kuuti atámanyile kwe ahasogolaga.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 4:17

Ahavhaliilizyo aha vhulonzi haafiha, uMulungu akwanda kuvhalonga avhantu vhaakwe. Ishi inga uvhulonzi vhukwanda kuli iswe swe vhantu vhaakwe, vhuli, ivho vhe vhatakwitiha Izwi iLyinza ilya Mulungu, kulongwa kwavho te kuhaavhe kwa kwogofwa nkaani?

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

Ishitushizya 18:3

Nkuyanga vhwevhulo, mwe pe insi zyonti zihoziilwe ku divaayi inkali iya vhulugusu vhwakwe, vhoope avhamwene avha nsi izyo vhavhembusile nawo. Vhoope avhavhomvi avha kutaanania avha mu nsi zyonti vhadumbusile kufumiilana nu vhumalaaya vhwakwe vhwe vhupoosite nkaani.”

Ishitushizya 2:20

Ileelo indi ni izwi niiwe: Ukumujimbiilila umwantanda ula uYezebeeli. Uweene akuyitaha kuuti mukuvhwi, ileelo te muumwo. Akuvhasambiilizya avhavhomvi vhaane nu kuvhapuvwa, kuuti vhavhembuhaje nu kulya impuutile zye vhafumwizye ku viholanyo.