VaGalati 2:9 - ULufingwi uLupwa

⁹ Havhili uYaakobu nu Keefa nu Yoohani vhe vhakuloleha kuuti vhalongozi avhapiti, vhámanyile kuuti uMulungu ku vhwila vhwakwe, ámpiiye imbombo ino. Pe vhahatulema inyoovhe nu Balinaaba, kuvha shilolesyo isha vhuliilani. Twítinkiine kuuti iswe tukwanzilwa kuvhomba imbombo ku vhe te Vhayuuda, avheene ku Vhayuuda.

Tesitamenti Umupwa 1965

⁹ IlelʼuYakobu nuKefa nuYohani, ve vakumusile ukuva ve lupanda, lwe valola Uvwila vwe mpelilwe, pʼavene vahandemʼine nuBalinaba umuhonʼumulilo uwa vumanyani, tuhitinkana ilya kuti iswe tuvale kuvakunzi, avene kuvavolwa.

VaGalati 2:9 ပူးပေါင်းရင်းမြစ်များ

Matayi 16:18

Ine nkukuvhuuzya kuuti, iwe we we Peeteli. Pi iyalaawe ili, kwe nzenje ishivhanza shaane, na maha aga ku vhuzimu te gahashipoote naalumo.

uLuuka 22:8

Pe uYeesu ahavhasonteelezya avha Peeteli nu Yoohani, ahavhavhuuzya ahati, “Sogooli mutusenganizanye ishaakulya isha Pasaaka, inga tulye pooka.”

Yohani 1:42

Pe uAndeleeya ahinza nu Siimoni kwa Yeesu. UYeesu ahamwenya uSiimoni, ahamuvhuuzya ahati, “Iwe we Siimoni umwana wa Yoohani. Ishi, izina lyaho kuuti uvhe we Keefa.” (Izina ili kwe kuuti Peeteli poosye kuuti iyalaawe.)

iMbombo izya Vhatumwa 12:17

UPeeteli ahavhahandanizya ni nyoovhe kuuti vhapuume, ahavhapanjila vwe uMWENE uMulungu amufumwizye mu jeela. Ahavhavhuuzya ahati, “Izi zye zivhombesile, mumuvhuuzye uYaakobu na vhamwitu.” Pe uPeeteli aheepa paala, ahasogola ukunji.

iMbombo izya Vhatumwa 15:13

Lwe vhaamala kuyanga, uYaakobu ahati, “Mwe vhamwitu, tejeelezyi!

iMbombo izya Vhatumwa 15:7

Lwe vhapanzanya ku havhaliilizyo ahatali, uPeeteli ahimiilila, ahati, “Vhamwitu, imwe mumanyile kuuti kufuma ku vhwandilo, uMulungu ánsavhuuye kufuma muli imwe, kuuti ndumbiilile Izwi iLyinza ku vhe te Vhayuuda, inga vhalyivwe nu kulyitiha.

iMbombo izya Vhatumwa 4:36

Kwámile uMulaawi wumo, we áamile muhaaya wa mu nsi iya Kiipulo. Umuntu uyo izina lyakwe vhahatinji uYoosefu. Avhatumwa vhámupiiye izina ilya Balinaaba (kwe kuuti, “We Akusuvhaalizya”).

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

VaLoma 12:3

Ishi, mwe pe uChilisiti ampiiye uvhwila kuuti mbe ne mutumwa waakwe, nkuvhavhuuzya mwenti kuuti, muleshe kuyilola kuuti muhondeeye kuluusya vwe muli. Muyilolaje kuuti, mwenti mupeliilwe ulwitiho lweluula nu Mulungu.

VaLoma 15:15

Ileelo inongwa zimo mbasimbiiye ku vhudandamazu nkaani, inga mbakumbusye zyenezyo. Mbomvile vhwevhulo kulandatana nu vhwila vhwe uMulungu ampiiye,

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

2 VaKolinti 11:5

Ine te kuuti ne munsi kuluusya ivho vhe vhakuyilola kuuti, “Vhatumwa avhapiti.”

2 VaKolinti 12:11

Nkuyanga ngati ne mupukupuuku, ileelo imwe mwamvijiilizya kuyanga vhwevhulo. Imwe mwanzilwaga kunkomeshezya inyinza, mwe pe poosye inga ntakushindikwa, ine te ne mutumwa umunsi kuvhaluusya vhaala vhe mukuti, “vhatumwa avhapiti.”

2 VaKolinti 8:4

nu kutulambiilizya kuuti, vhoope vhavhe mu mbombo iya kuvhaavwa avhafinjile avha ku Yelusaleemu.

VaGalati 1:16

Ávhwenyi kuuti hinza andolesezye uMwana waakwe vwe ali, inga ndumbiilile izwi lyakwe ku vhantu vhe te Vhayuuda. Ahavhaliilizyo haala ntásogooye naluvhiilo kwa muntu wonti kumuvhuziilizya zye nkwanzilwa kuvhomba.

VaGalati 1:18

Lwe amaaha gatatu gatuuha kufuma pe uMulungu ándolesiizye uMwana waakwe, nkasogola ku Yelusaleemu, inga nkomaane nu Keefa, nkatendama ku kwakwe insiku 15.

VaGalati 2:1

Amaaha 14 lwe gatuuha, nkasogola havhili ku Yelusaleemu pooka nu Balinaaba, nkamunyatula nu Tiiti, nkasogola nawo.

VaGalati 2:2

Násogooye ahavhaliilizyo iho, mwe pe uMulungu ándolesiizye kuuti nsogole. Lwe naafiha, nkatendama na vhalongozi kukwilu, nkavhavhuuzya Izwi iLyinza lye nkavhakumusizyaga vhe te Vhayuuda. Návhomvile vhwevhulo, inga imbombo yaane ye nkuyivhomba yitishilwe, yitahaavhe ya vhweleele.

VaGalati 6:3

Ishi inga umuntu akuyilola kuuti mumwamu kuluusya avhanji, ileelo atali inza vhwevhulo, uyo akuyihopenkanya wuuyo weeka.

VaEfeso 2:20

Muli inza amavhwe ge vhazenjeeye inyumba. Vhoope avhatumwa na vhakuvhwi vhali inza ulwalo ulwa nyumba iyo. Havhili uChilisiti uYeesu we ali inza ivhwe ipiti ilya pa shipembe isha nyumba iyo.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

Ishitushizya 3:12

Ula we alipoota indingo, ndimuvhiiha kuvha lupanda mu Nyumba iMfinjile iya Mulungu waane, te ahaafume umwo naalumo. Kuli uyo, ndisimba izina ilya Mulungu waane ni izina ilya nkaaya iya Mulungu waane. Inkaaya iyo Yelusaleemu impwa ye yikwiha kufuma ku mwanya kwa Mulungu waane. Havhili kuli uyo ndisimba izina lyane neneene, liila lye lipwa.