VaGalati 2:8 - ULufingwi uLupwa

⁸ Yeenya, uMulungu we ámupiiye amaha uPeeteli kuvha mutumwa ku Vhayuuda, we niine ámpiiye amaha aga kusogola ku vhe te Vhayuuda.

Tesitamenti Umupwa 1965

⁸ Shʼuwenʼuno wʼamupiyʼuPeteli amaha ga vwapositili kuvavolwa, wʼampiye nane amaha ga kuvala kuvakunzi.

VaGalati 2:8 ပူးပေါင်းရင်းမြစ်များ

iMbombo izya Vhatumwa 1:25

inga apwanile pa mbombo iya vhutumwa ye uYuuda aayilesile, aafwa nu kusogola pe pamuhondeeye wuuyo kuposheela isunde.”

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 15:12

Pe impuga yonti yihavha mwaa, yihavhatejeelezya avha Paavhuli nu Balinaaba lwe vhakuvhavhuuzya vwe uMulungu ávhomvile ivilolesyo ni zya kusukumizya kutuushila ku kwavho ku vhantu vhe te Vhayuuda.

iMbombo izya Vhatumwa 19:26

Ileelo ishi mwalola nu kwivwa mweneemwe zyonti zye uPaavhuli uyo akuzivhomba. Akuvhasonzya nu kuvhagalulanya avhantu insiivho zyavho, inga vhiitishe kuuti iviholanyo vwe avhantu vhakugomba te vhalungu inga hansi. Havhili atakuzivhomba pe pa Hefeeso peeka vhweleele, akuzivhomba na mu Aasiya yonti.

iMbombo izya Vhatumwa 21:19

Lwe uPaavhuli avhalamuha, ahavhavhuuzya zyonti zye uMulungu ávhomvile ku vhantu vhe te Vhayuuda kutuushila mu mbombo zyakwe.

iMbombo izya Vhatumwa 22:21

UMwene ahanaamula ahati, ‘Sogoola! Kuuti nkusonteelezye ukutali, ku vhantu vhe te Vhayuuda.’”

iMbombo izya Vhatumwa 4:4

Ileelo avhinji muli ivho vhe vhívuuye izwi ilya Mulungu, vhítisile. Pe uvhwinji vhwavho vhe vhámwitisile uYeesu, wuhafishila avhanaavuli vheeka 5,000 ishi.

iMbombo izya Vhatumwa 8:17

Pe avha Peeteli nu Yoohani vhahavhavhiishila inyoovhe izya shipuuto, vhoope vhahamuposheela uMupepo uMufinjile.

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

1 VaKolinti 9:2

Poosye inga avhantu avhanji vhatakwitiha kuuti ne mutumwa, ileelo kuli imwe ne mutumwa, mwe pe ulwitiho lwinyu kwa Chilisiti, she shilolesyo isha kuhomeshezya kuuti, ntumiilwe nu Mwene.

VaGalati 3:5

Vhuli, uMulungu akuuvhapa uMupepo uMufinjile nu kuvhomba amafindango pahati yiinyu kwi idala ilya kulandata indajizyo, pamo kwi idala ilya kutejeelezya Izwi iLyinza ilya Yeesu nu kulyitiha?

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.