VaGalati 2:6 - ULufingwi uLupwa

⁶ Ileelo avhalongozi vhaala avha shivhanza, vhe vhakushindikwa na vhantu, vhatáamile ni zinji injeni izya kumbuuzya. Nalyoli vhahashindikwaga nkaani, ileelo kuli ine izyo te shintu naashimo, mwe pe uMulungu atakwenya uvhumwamu uvhwa muntu lwe akumulonga.

Tesitamenti Umupwa 1965

⁶ Nkandʼavene ve vakutashilwa uvupiti —uvwenʼuvupiti vwavo vwe vali navwo lulwo vwʼumwoyo atakusagʼine, shʼuMulungu atakumusevelʼumuntu numo kuvwinza vwa kuminso ndali,— vuvo ve vakutashilwa uvupiti ve vatanonjezizye nazimo izya kunsinjilizya.

VaGalati 2:6 ပူးပေါင်းရင်းမြစ်များ

Matayi 22:16

Pe vhahavhasonteelezya avhasundikwa vhaavho na vhatuuli avha mwene uHeelodi kwa Yeesu, vhahamuvhuziilizya vhahati, “We Musambiilizi, tumanyile kuuti iwe we mugolosu, ukusambiilizya idala ilya Mulungu mu vhwanalyoli. Havhili utakuvhasaajila avhantu kulandatana nu vhupiti vhwavho.

Maliko 12:14

Lwe vhaafiha, vhahati, “We Musambiilizi, tumanyile kuuti iwe we mugolosu, utakuvhasaajila avhantu kulandatana nu vhupiti vhwavho. Havhili ukusambiilizya idala ilya Mulungu mu vhwanalyoli. Vhuli, indajizyo izya Moose zikutwitishila kusonka umusonko kwa Kayisaali?”

uLuuka 20:21

Pe avhantu ivho vhahamuvhuziilizya uYeesu vhahati, “We Musambiilizi, tumanyile kuuti ukuyanga nu kusambiilizya izya nalyoli. Havhili utakusaajila uvhupiti uvhwa muntu, ukusambiilizya idala ilya Mulungu mu vhwanalyoli.

iMbombo izya Vhatumwa 10:34

Pe uPeeteli ahavhavhuuzya ahati, “Ishi pe naamanya kuuti, nalyoli uMulungu atakusavhulanya!

iMbombo izya Vhatumwa 5:36

Mukumbushe amanda aga pisinda, áfumiiye umuntu wumo izina lyakwe vhahatinji uTewuda, ahayibaadaga kuuti muntu mupiti, áamile na vhalandati vhaakwe 400 ishi. Ileelo kumpeleela, vhahamugoga, na vhaala vhonti vhe vhahamulandataga vhahasataana. Imbombo yaakwe yonti yihasilila pepaala.

VaLoma 2:11

Yeenya, uMulungu atakusavhulanya.

2 VaKolinti 11:5

Ine te kuuti ne munsi kuluusya ivho vhe vhakuyilola kuuti, “Vhatumwa avhapiti.”

2 VaKolinti 12:11

Nkuyanga ngati ne mupukupuuku, ileelo imwe mwamvijiilizya kuyanga vhwevhulo. Imwe mwanzilwaga kunkomeshezya inyinza, mwe pe poosye inga ntakushindikwa, ine te ne mutumwa umunsi kuvhaluusya vhaala vhe mukuti, “vhatumwa avhapiti.”

2 VaKolinti 5:16

Ishi, kufuma ahavhaliilizyo iha, tutakumumanya umuntu ku njeele izya vhantu. Poosye she ahavhaliilizyo hamo twámumanyile uChilisiti ku njeele izya vhantu, ileelo ishi tutamumanyile inza isho.

VaGalati 2:2

Násogooye ahavhaliilizyo iho, mwe pe uMulungu ándolesiizye kuuti nsogole. Lwe naafiha, nkatendama na vhalongozi kukwilu, nkavhavhuuzya Izwi iLyinza lye nkavhakumusizyaga vhe te Vhayuuda. Návhomvile vhwevhulo, inga imbombo yaane ye nkuyivhomba yitishilwe, yitahaavhe ya vhweleele.

VaGalati 6:3

Ishi inga umuntu akuyilola kuuti mumwamu kuluusya avhanji, ileelo atali inza vhwevhulo, uyo akuyihopenkanya wuuyo weeka.

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.