VaGalati 2:5 - ULufingwi uLupwa

⁵ Avhantu ivho tutívwine navho inga hansi, inga imwe mujendeelele kuvha nu vhwanalyoli uvhwa Izwi iLyinza.

Tesitamenti Umupwa 1965

⁵ ve tuhasita ukuvitiha nga pansi izya kuti tukonzaje kumwavo, she tuhati uvwanalyoli vwIvangeli vuvanje vwinyu shima.

VaGalati 2:5 ပူးပေါင်းရင်းမြစ်များ

iMbombo izya Vhatumwa 15:2

Avha Paavhuli nu Balinaaba lwe vhiivwa izwi ilyo, vhahatumvanya nu kuvhuzilizanya navho nkaani. Pisinda, avhantu avha shivhanza isha ku Antiyookiya vhahalajizya kuuti, avha Paavhuli nu Balinaaba pooka na vhiitisi vhamo vhasogole ku Yelusaleemu, kuvhavhuziilizya avhatumwa na vhasongo avha shivhanza izwi ilyo.

VaGalati 1:6

Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 4:16

Vhuli, ileelo navha ne mulugu wiinyu, mwe pe nkuvhavhuuzya uvhwanalyoli?

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.