VaGalati 2:19 - ULufingwi uLupwa

¹⁹ Yeenya, nkazilandataga indajizyo izya Moose, ileelo ahavhaliilizyo iha, uvhulanzi vhwane uvhwa mu ndajizyo vhusizile, inga uvhulanzi vhwane vhuvhe mwa Mulungu.

Tesitamenti Umupwa 1965

¹⁹ Shʼine munkomelezyo mfuye kuminso ga nkomelezyo, ukuti imulandililʼuMulungu.

VaGalati 2:19 ပူးပေါင်းရင်းမြစ်များ

VaLoma 4:15

mwe pe indajizyo zikuleeta uvhuhalazu uvhwa Mulungu. Ileelo inga indajizyo zitaliipo, pe kutaliipo kushilanya indajizyo.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

VaLoma 6:11

Niimwe vhweleele muyilolaje kuuti mwe vhafwe kuzya vhutalamalandu. Havhili muyilolaje kuuti ku vhulanzi vhwe mukulandila mukumuhondezya uMulungu kwi idala ilya Chilisiti uYeesu.

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

VaLoma 6:2

Ndaali, te muumwo inga hansi! Kuzya vhutalamalandu iswe tuli ngati twe vhafwe. Kuli izyo, tutangajendeelela kuvhomba uvhutalamalandu.

VaLoma 7:14

Tumanyile kuuti indajizyo zyáfumile kwa Mupepo uMufinjile, ileelo ine indi nu vhuntu uvhwa vhutalamalandu, kwe kuuti ne muzya uwa vhutalamalandu.

VaLoma 7:4

Vhamwitu, vwe zili na kuli imwe. Inza vwe inga umuntu aafwa indajizyo zitakumukonzya, niimwe indajizyo izya Moose zitakuvhakonzya, mwe pe muli ngati mufuuye pooka nu Chilisiti pa shihovhenkanyo. Ishi imwe mwe vhantu vhaakwe we ázyusile, inga tuvhombaje imbombo inyinza zye zikumuhondezya uMulungu.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

1 VaKolinti 9:20

Lwe náali ku Vhayuuda, náali inza uMuyuuda, inga mbaaje aVhayuuda vhamwitishe uChilisiti. Havhili lwe náali ku vhaala vhe vhakulandata indajizyo izya Moose, náali inza umulandati uwa ndajizyo, poosye she te ne muzya uwa ndajizyo, inga mbaaje vhe vhali ni ndajizyo vhamwitishe uChilisiti.

2 VaKolinti 5:15

Umuntu uyo áfuuye kuzya vhantu vhonti, inga avhantu vhatalandilaje ku lukasamo lwavho, nkandi ku lwa ula we áfuuye nu kuzyuha ku zyavho.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaGalati 3:10

Ileelo vhonti vhe vhakusuuvhila kuvhomba zye zikwanzilwa ni ndajizyo, vhali mu ntipo. Nkuyanga vhwevhulo, mwe pe uVhusimbe uVhufinjile vhukuti, “Umuntu wonti we atakujendeelela kulandata zye zisimviilwe mwi ikalaata ilya ndajizyo, atifiilwe.”

VaGalati 3:24

Pe ishi, indajizyo izyo zihatulongozyaga ngati musunzi wiitu, kufishila lwe uChilisiti ayinza, inga kwi idala ilya kumwitiha uweene, tuvhaazilwe kuuti twe vhagolosu.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

Kolosi 2:20

Imwe mwáfuuye pooka nu Chilisiti, muhazileha insambiilizyo izya miiho aga vhantu. Ishi shooni she mukulandila ngati mwe vhantu avha mu nsi umu? Mukuyikunga na miiho aga kuuti,

Kolosi 3:3

mwe pe mufuuye. Ishi mukulandila pooka nu Chilisiti pilongolela ilya Mulungu, ileelo uvhulanzi uvhupwa uvhwo vhutakuloleha.

1 VaTesaloniki 5:10

Uyo we ahafwa ku zyitu, inga tuvhanje pooka nawo, lwe twe vhapuuma, poosye lwe tufuuye.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

1 Peteli 4:6

Ye nongwa avhantu vhe vhafuuye, vhoope vhálumbiliilwe Izwi iLyinza, inga vhalongwe ku mbombo zyavho izya muvhili inza avhantu avhanji, havhili vhavhe nu vhulanzi ku maha aga Mupepo uMufinjile pilongolela ilya Mulungu.