VaGalati 2:14 - ULufingwi uLupwa

¹⁴ Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

Tesitamenti Umupwa 1965

¹⁴ Ilelo ine lwe mbawenyi ukuti mulujendo lwavo vatalandatinʼahinza muvwanalyoli vwʼIvangeli, pe nkamuvuzyʼuKefa lwe vakwiṿwa vonti, nkati: Ingʼiwe, we muYuda paluho, ukulandatʼizya nkolʼizinji, zye te zya vuYuda, pʼukuvasinjilizya shonu ava nkolʼizinji ukulandatʼizya vu Yuda?

VaGalati 2:14 ပူးပေါင်းရင်းမြစ်များ

iMbombo izya Vhatumwa 10:28

UPeeteli ahavhavhuuzya ahati, “Imwe mumanyile ahinza kuuti iswe swe Vhayuuda, indajizyo zyitu zikuhaana kusangaana na vhantu vhe te Vhayuuda. Poosye kutandalilana navho, tutakwitishilwa. Ileelo uMulungu andanzile kuuti ntamuvhuzyaje umuntu wonti kuuti muhandamanu.

iMbombo izya Vhatumwa 15:1

Lwe avha Paavhuli nu Balinaaba vhali ku Antiyookiya, avhantu vhamo vhahafuma ku Yudeeya, vhahasogola kuukwo. Vhahanda kuvhasambiilizya avhiitisi kuuti, “Inga mutakuyitahiili kulandata amiiho ge uMoose átulesheeye, mutangaapokwa.”

iMbombo izya Vhatumwa 15:24

Twivuuye kuuti avhantu vhamo kufuma ku kwitu vhavhavhuziizye inongwa izya kuvhavwalanganya nu kuvhapuvwa amooyo giinyu, ileelo te sweswe twaavhasonteleziizye.

iMbombo izya Vhatumwa 15:5

Ileelo avhiitisi vhamo avha mpuga iya Vhafalisaayi vhahimiilila, vhahati, “Vhoope vhe te Vhayuuda vhakwanzilwa kuyitahiili, nu kuzilema indajizyo zyonti izya Moose.”

VaLoma 14:14

Imanyile, havhili uMwene uYeesu andolesiizye apazelu uvhwanalyoli kuuti, shitaliipo ishaakulya shimo she shihombezu, nkandi inga umuntu aalola kuuti ishaakulya shimo shihombezu, pe ishaakulya isho shikuvha shihombezu ku kwakwe.

VaGalati 1:18

Lwe amaaha gatatu gatuuha kufuma pe uMulungu ándolesiizye uMwana waakwe, nkasogola ku Yelusaleemu, inga nkomaane nu Keefa, nkatendama ku kwakwe insiku 15.

VaGalati 1:6

Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

VaGalati 2:3

Havhili poosye nu wamwitu uTiiti we te Muyuuda, vhatámuvijiliziizye kutahiililwa,

VaGalati 2:5

Avhantu ivho tutívwine navho inga hansi, inga imwe mujendeelele kuvha nu vhwanalyoli uvhwa Izwi iLyinza.

VaGalati 2:7

Vhámanyile kuuti uMulungu ansonteleziizye kuvhalumbiilila Izwi iLyinza vhe te Vhayuuda, inza vwe amusonteleziizye uPeeteli ku Vhayuuda.

VaGalati 2:9

Havhili uYaakobu nu Keefa nu Yoohani vhe vhakuloleha kuuti vhalongozi avhapiti, vhámanyile kuuti uMulungu ku vhwila vhwakwe, ámpiiye imbombo ino. Pe vhahatulema inyoovhe nu Balinaaba, kuvha shilolesyo isha vhuliilani. Twítinkiine kuuti iswe tukwanzilwa kuvhomba imbombo ku vhe te Vhayuuda, avheene ku Vhayuuda.

VaGalati 6:12

Vhe vhakuvhavijiilizya imwe kutahiililwa, vhakuvhomba vhwevhulo, mwe pe vhakwanza kushindikwa na Vhayuuda, ku ziila zye zikuvhombwa mu muvhili. Vhakuvhomba vhwevhulo, inga gatahavhaaje amayimba ge gakufumiilana nu kulumbiilila uvhwanalyoli uvhwa shihovhenkanyo isha Chilisiti.

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

1 Timoti 5:20

Avhasongo vhe vhakuvhomba uvhutalamalandu, uvhapililaje pilongolela ilya vhantu vhonti, inga avhanji vhogopaje kuvhomba.

VaHebuli 12:13

Mujendaje mu madala amagolosu, inga vhe vhali ni vinama vwe vilemaaye vhatahavwalale, nkandi vhapone.

VaHebuli 9:10

Yeenya, imbaatiho izya vwakulya ni vwakumwela, ni zya kuyizelufwa ukwa mavhiila mu mavhiila, zitangaavwa naashimo umwoyo uwa muntu. Imbombo iya mbaatiho izyo yásizile lwe uMulungu aleeta imbaatiho impwa.